LIEW
PONJI MIR 8
Cirocir
Cik mir ukungu: “Mer ciro lembe hai.”—1 Kor. 13:4.
Gin ma Yesu utimo
1. Nen VIDEO, kunoke som Yohana 7:3-5 man 1 Jukorintho 15:3, 4, 7. I ng’eye dwok wang’ penji m’ulubo:
Ponji ma wacopo nwang’u
2. Ukwayu wabed ku cirocir pilembe dhanu moko giting’o kare ma lee pi nijolo lembanyong’a.
Lub lapor pa Yesu
3. Pim bodho ma tung’ tung’. Tek ng’atini uyiyo ngo ponji mi Biblia ndhundhu, kud idiye. Ka copere, tii ku video kunoke thiwiwec ma tung’ tung’ pi nikonye kara enyang’ nia lembang’o ma bekadhu i saa mi ponji mi Biblia man kite m’eromo nwang’u ko berone.
4. Kud ipor ng’atini ku jumange. Ng’atuman utie segi. Tek wat peri moko kunoke ng’atu m’ibed iliewo utie ku jiji pi nicaku ponji mi Biblia kunoke niyiyo lembe moko ma Biblia ubeponjo, ukwayu ikeinyang’ nia thelembene cibedo ang’o. Nyo eyiyo ku cwinye zoo ponji moko mi jurudini? Nyo wedi pare kunoke jirani pare re m’ubedhuro mac i kume? Wek ire saa m’epar ko i lembe m’iyero man m’enen ko bero mi lembe ma Biblia ubeponjo.
5. Rwo pi ng’atu m’ujolo rwonglembe. Kway Yehova ukonyi ibed ku nen ma ber man itii ku rieko. Rwo kara itim ng’iyong’ic ma cuu pi ning’eyo saa m’ukwayu ijig iye liewo ng’atu m’ujolo ngo rwonglembene i andha.—1 Kor. 9:26.
