ТӘКРАР СӨҺБӘТ
ДӘРС 8
Сәбир
Принсип: «Мәһәббәт [сәбирлидир]» (1 Кор. 13:4).
Иса Мәсиһин гојдуғу нүмунә
1. ВИДЕОЈА бах вә ја Јәһја 7:3—5; 1 Коринфлиләрә 15:3, 4, 7 ајәләрини оху. Сонра исә нөвбәти суаллар үзәриндә дүшүн:
Иса Мәсиһдән нә өјрәнирик?
2. Биз сәбирли олмалыјыг, чүнки бәзи инсанлар башгаларына нисбәтән мүждәни даһа ҝеҹ гәбул едә биләр.
Иса Мәсиһ кими давран
3. Мүхтәлиф үсуллардан истифадә ет. Әҝәр инсан Мүгәддәс Китаб дәрси кечмәјә дәрһал разылашмырса, ону мәҹбур етмә. Фүрсәт дүшәндә Мүгәддәс Китаб дәрсинин фајдаларыны вә неҹә кечирилдијини изаһ едән видеолары, јахуд мәгаләләри она ҝөстәр.
4. Мүгајисә етмә. Һамы ејни дејил. Әҝәр аилә үзвүн вә ја марагланан инсан Мүгәддәс Китаб дәрси кечмәјә вә ја һансыса тәлими гәбул етмәјә тәрәддүд едирсә, сәбәби мүәјјән етмәјә чалыш. Бәлкә, о өз дини инанҹларына бағлыдыр? Бәлкә, гоһумлары вә ја гоншулары она мане олурлар? Данышдыгларыныз барәдә, еләҹә дә Мүгәддәс Китабдакы һәгигәтләр һагда дүшүнмәси үчүн она вахт вер.
5. Јеһоваја дуа ет. Инсанлардан әлини үзмәмәк вә нәзакәтли олмаг үчүн Јеһовадан көмәк истә. Һәмчинин һәгигәтә сојуг јанашан инсанла сөһбәти нә вахт дајандыраҹағыны мүәјјәнләшдирмәк үчүн дуада Јеһовадан һикмәт дилә (1 Кор. 9:26).
