Emwi Ne Jesu Ru

Vbe Ima Miẹn Ruẹ Vbe Obọ E Jesu?

2. Te ọ khẹke ne ima gha mwẹ izinegbe, rhunmwuda, ọ rhie ẹghẹ emwa eso ke miẹn iyẹn nọ maan ne ima kporhu ẹre yi.

 Ya Egbe Taa E Jesu

3. Gualọ odẹ ọvbehe la. Adeghẹ ọmwa nii ma na kue ne u do gha gu irẹn ruẹ e Baibol vbobọvbobọ, ghẹ kpikpi ẹre. Adeghẹ esa na gha rrọọ, u sẹtin loo e vidio ra ebe ima eso ya ru iyobọ nẹẹn ya rẹn vbene ima ya gu emwa ruẹ e Baibol hẹ, kevbe ere nọ khian miẹn deghẹ ọ na gha ruẹ e Baibol.

4. Ghẹ yae gie ọmwa ọvbehe. Emwa ughughan ẹre a miẹn. Adeghẹ ọmwa vbe uwu ẹgbẹe ra ọmwa ne u ka kporhu ma, ma kue ne u gu irẹn gha ruẹ e Baibol, ra ọ ma kue ye emwi ne Baibol tae, hia ne u rẹn evbọzẹe nọ na yerriọ. Nọ egbuẹ wẹẹ: ‘Ọ mwẹ emwi na ma ẹre vbe ugamwẹ nọ ye, nọ wa dayi gbangbangban ra? Emwa vbe uwu ẹgbẹe ọre ra emwa ne iran gba rre ẹdogbo ọkpa kpokpo ẹre ra?’ Rhie ẹghẹ nẹẹn nọ ya mu emwi ne u tama rẹn roro, nọ vbe ya bẹghe ẹre wẹẹ, emwi ne Baibol tae, ẹmwata nọ.

5. Mu ẹmwẹ ọmwa nii ye erhunmwu. Rinmwian e Jehova nọ ru iyobọ nuẹn ne egbe ọmwa nii ghẹ wọọ ruẹ kevbe ne u sẹtin gha ya ẹwaẹn gu ẹre guan. U ghi vbe rinmwian e Jehova nọ rhie ẹwaẹn nuẹn ya rẹn ẹghẹ nọ khẹke ne u ya sẹ ọmwa nọ ma mu egbe nọ ya danmwehọ rae.—1 Kọr 9:26.