ÐE-KƆ́ÌN-KƆ́ÌN
CƐ̃́Ɛ́-ÐƐ̀ 8
Hwòɖò-Ku-Ku
Hwìè-da-zàìn-wùɖù: “Nyɔ ɖò dyi ɖɛ̀ɓɛ̀ìn-ɖɛ̀ɓɛ̀ìn ɓéɖéín, nìí ɔ ku hwòɖò.”—1 Kɔ̀ɖ 13:4.
Ðɛ Jízɛ̀ Nyu Ma Kɛ
1. Dyé VÍÐÒƆ̀ dyi, mɔɔ zà Jɔ̃́ɔ́ 7:3-5 kè 1 Kɔ̀ɖéíntĩ̀ɔ̀ 15:3, 4, 7 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:
Ðɛ́ À Cɛ̃́ Jízɛ̀ Xwaún Wɛ̃́?
2. À kɔ̃̀ à ké hwòɖò ku, sepoɛɖe nyɔ ɖíɛ́ ɓè ɖú ti pàɖà dyí ké ɔ zi nyɔ tɔ̀ɔ̀ ɓè dyí ɓó bɔ̃̀ nɔ̀mɔ̀ dyíinɔ̀ dyi kpɔ̃ jè.
Sí Jízɛ̀ Ɓo-Bɛ̃̀ìn
3. Dɔ̃̀ sɛ́ɖɛ́ kà kò ɖò mú. Ɔ jù ké nyɔɔ̀ se Baɓo cɛ̃́-cɛ̃́ ɖò gbo wɔ̃́ìn wàɖà ní, ɓɔ́ ɔ dyí dèɛ̀. Ɔ dyi wɛ̃̀ìn ní, nyùìn víɖò ɓè mɔɔ céè-ɖɛ̀ ɓè kũ̀à mú, ɓɛ́ m̀ ké ɔ gbo kpá, ɓɛ́ ɔ ké ɖɛ kpá ɓó Baɓo cɛ̃́-cɛ̃́ ɖò tiín kè kà ɔ ɓɛ́ìn kpáná dyéɛ kɛɛ jè múin wɔ̃́.
4. Ɓɔ́ nyɔ ɖò kè nyɔ ɖò dyí poɛ̀n. Nyɔ ɖò-ɖò séín kò ní. Ɔ jù ké gbò-xwíníín-nyɔ̀ ɖò mɔɔ nyɔ m̀ kɔ́àìn gbo ɖeɛɛ se mɔ́ ɓɛ́ ɔ ké Baɓoɔ cɛ̃́ mɔɔ Baɓo tɛ̀mɛ̀ìn-ɖɛ̀ ɖò dyi kpɔ̃ ní, poìn xwíníín kɔ̃̀ jè ɔ nìà ná kɛɛ jè hwìɖìi. Ɔ hwòɖò-dyùàɔ̀ kpɔ̃ ɓiè-kpòò jɛ́ɛ́ ɖòɛ̀ jàà-po-ɖɛ̀ ɖò gboiì? Ɔ gbo-xwíníín-nyɔ̀ ɓè mɔɔ nyɔ ɓè nì ɖé ɔ gbɛ̀ɛ múɛɛ nì ɔ dyí dèɛ̀nǹ? Nyí ɔ ti, ɓɛ́ ɔ ké ɖɛ m̀ ɖàà cɛ̃ɛ jè hwìɖìi poìn kè ɓɛ́ ɔ ké ɖɛ Baɓoɔ cɛ̃ kɛɛ múàùn dyi kpáìn.
5. Ɓaà nyɔɔ̀ jè. Ɓaà Jɛhova ɓɛ́ ɔ ké m̀ gbo kpá, ɓɛ́ m̀ ké ɖɛín-ɖɛ̀ hwìɖìi dè, kè ɓɛ́ m̀ ké wùɖù sɛ́ɖɛ́-kà. Zɔ̀ ɖɛ-múin-wɔ̃́-wɔ̃́ ɓɛ́ m̀ ké ti m̀ ké nyɔ ɖò ɓɛ́ ɔ hwòɖò se ná wɔ̃́ míɔ kɛɛ gbo ɖe kɔ́ìn ɓɔ́ kɛɛ dyí dyuò.—1 Kɔ̀ɖ 9:26.
