A NƖ MUË ˈYLƖMÖÄ ˈYIZE
ˈCƖƐCƖƐKÏBHË 8
A nɩ ˗kpaanɩ dlɩ ˈmö
ˈPäpägbaa: “Nɩkpɛ a ˗mɔɔ kää ˗wawʋ dlɩ zɛmöö, dlɩ ’mö ɔ ˗kpaanɩɛ.”—1 Kol. 13:4.
ˈSaa Zezwii nʋ ɔ ˈnɩ?
1. A nɩ ylɛ VIDEO, a ˗käˈɛ ˗waa, a nɩ zɛlɩ Zaa 7:3-5 ˈn 1 Kolɛɛtɩ a ˗nʋa 15:3, 4, 7 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:
ˈSaa ˗a cɩɛ ɔ Zezwii a dɛ ˈnɩ?
2. ˗Yɩ kää ˈŋlɩ ˈn ˗a kää ˗a ˈkä dlɩ ˈmö ˗kpaanɩ miɛ nɩɩ, nɩkpa ˗mumuë a ˗bɛ, ˗a ˗kʋa Lagɔ ˈa ˈtɩtɩ a ˗tɩtɩɩ ˈɲɛɛ, ˈtɛɲɩ a ˗bɛ ˈmaa ˈkä ˈplɩ ˈwë ˈn wa ŋluä bhäla ˈwʋ.
A nɩ ˗gänɩ Zezwii ˈa gbäpöö
3. A nɩ ghlɛnɩ cii ˗mimii ˈmö. ˗Mɔ a ˈɲɛɛ lagɔwɛlɩɩ ˈnɩ ˗bhlɛ Biblë a ˈcɩɛcɩʋ ˈwʋ ŋluu, a nɩ tɔ ˈwlumö köbhänɩ. ˗Maa, a bhɛnɩ a ˈkä videwi ˗ɲɛ lagɔbɔgwɩ ˈsɔ ˈmö ghlɛnɩ nzɩ a ˈkɔ kwänɩ. ˗Lɛ a dɔˈwʋ, sɛɛ Biblë a ˈcɩɛcɩʋ ˈplɩplɩnɩɛ ˈmö, ˈn sɛɛ ɔ ˈkuä ˗li a ˗lii ˈmö ghlɩnɩ, ɔ ˈci ˈmö ˈnʋ.
4. A nɩ tɔ ˗mɔmɔɔ yɔwʋ kwänɩ. Nɩkpa ˈwuë ˈnɩɛ ˈmö mlɩnɩ. A ˈligbë ˈmö a ˗nʋa, ɛ ˗käˈɛ ˗muë a möä ˈylɩmöä ˈyize, wa glaˈmö a ˗nɔ bhɛnɩ ɔ ˈkä ˈtikïyie ˈwʋ gʋgɔ, Biblë a ˈcɩɛcɩʋ a dɔˈwʋ. Ɔ bhɛnɩˈɛ ɔ ˈkä ˈtïkïyie ˈwʋ gʋgɔ ˈsaa Biblë ˈcɩaa a dɔˈwʋ. Yɩ ˗kä ˗sɩbhä ˈmö ˗wʋ, ˗yɩ kää ˈŋlɩ ˈn ɔ zʋä ˗sɩbhä, a nɩ tɛlɩ sɛ a ˈcɩ ˈmö ˈnʋ. ˈƆ lagligbëa ma˗a ˗glɔɔ bhä teɲii dlɩ ˈwʋ ˗a? ˈƆ ˗kosu yɔwʋ a ˗nʋa ˗ɲɛ ˈɔ dɛglɩwaa ˈsɔ ˈnɩ ɔ ˗kamä ˈyɩbhä ɔ nɩ ˈcɩɛ Biblë ˗a? Wɛlɩɩ a ɲɔɔ ˈyize, a nɩ ˈɲɔ ˈtɛɲɩ ɔ ˈcɩ dlɩ cɛ ˈpänɩ, nzɩ ɔ ˈcɩ ɔˈbhë ˈylɩmö sɛɛ Biblë ˈmö a wɛlɩɩ kää dɛsɛ.
5. A nɩ bhibhe Lagɔ ɔ za. A nɩ bhibhe Zoova ɔ ˈkaɲɩ kwänɩ, swɩ taɲɩa ɔ dɔˈwʋ yɔwʋ ˈkunɩ ˈn a ˈkɔˈɛ ˈnɛgösɛ kwänɩ ˈyize.—1 Kol. 9:26.
