PEHZULH DINGMI
CAWN DINGMI 8
Na Lungsau
Baibal Phunglam: “Dawtnak cu a lung a sau.” —1 Kor. 13:4, NWT.
Jesuh Nih Zeidah A Tuah?
1. VIDEO kha zoh asiloah Johan 7:3-5 le 1 Korin 15:3, 4, 7 rel. Cun a tanglei biahalnak hna hi i ruah u:
Jesuh Sinin Zeidah Kan Cawn Khawh?
2. Mi cheukhat cu thawngṭha cohlan awkah midang nakin a caan sau deuh an rauh khawh caah lungsau a hau.
Jesuh Kha I Zohchunh
3. Fuhpanh ning kha thleng. Mi pakhat nih Baibal cawnnak kha a cohlan colh lo ahcun hramhram in hnek hlah. Aa tlak tik caan paoh ah Baibal cawnpiaknak zeitindah kan tuah i mah in zei ṭhathnemhnak dah a hmuh khawh ti kha a hngalhthiam nakhnga video asiloah capar hna kha hmang.
4. Midang he tahchunh hlah. Pakhat le pakhat an i lo cio lo. Na chungkharmi asiloah lennolh na tuahmi nih Baibal cawn awk asiloah Baibal cawnpiakmi kha cohlan awkah aa cungcang ahcun zeicah ah dah a si ti kha ruat. A caah a biapi tukmi biaknaklei cawnpiaknak pakhatkhat a um maw? Rualchan asiloah innpa hneknak a tong maw? Na chimmi kong a ruah nakhnga le Baibal cawnpiakmi man a ngeihnak kong a hngalh nakhnga amah kha a caan pe.
5. Lungthawhnak a ngeimi hna caah thlacam. A ṭhatnaklei in hmuhnak ngeih peng awk le fimkhur tein um peng awkah Jehovah sinah bawmhnak hal. Cun hngalh duhnak a ngei taktak lomi pakhat kha zeitik ah dah ka len ti lo awk a si ti na hngalh nakhnga Jehovah sinah thlacam.—1 Kor. 9:26.
MAH BAIBAL CAANG ZONG HI ZOH
Marka 4:26-28; 1 Kor. 3:5-9; 2 Pet. 3:9