MELE REVISITA TAC
LECCIÓN 8
Yom a wujil pijt
Texto baqui chucul: «Jiñi am bʌ i cʼuxbiya yujil pijt» (1 Cor. 13:4).
Tsaʼ bʌ i mele Jesús
1. Qʼuele jiñi VIDEO o pejcan Juan 7:3-5 yicʼot 1 Corintios 15:3, 4, 7. Cheʼ jiñi ñaʼtan ili cʼajtiya tac:
¿Chuqui mi laj cʌn tiʼ tojlel Jesús?
2. An ora bʌ miʼ jacʼob jiñi wen tʼan i an mach bʌ cheʼiqui, jin chaʼan yomʌch la cujil pijt.
Lajin Jesús
3. Ñaʼtan chuqui yambʌ miʼ mejlel a mel. Mach a wersa xicʼ jiñi lac piʼʌl chaʼan miʼ chʼʌm jumpʼejl estudio mi maxto yomic. Pero miʼ mejlel a pʌsben video tac o tema tac muʼ bʌ i pʌs bajcheʼ yilal jiñi estudio yicʼot bajcheʼ mi caj i coltan mi tsiʼ jacʼʌ i chʼʌm.
4. Mach a laj yicʼot yañoʼ bʌ. Mach junlajaloñicla. Mi juntiquil ti a familia o juntiquil ti a territorio maxto i ñaʼta mi yomʌch i chʼʌm jumpʼejl estudio, cʼajtiben a bʌ chucoch. ¿Am ba jumpʼejl cʌntesa wen ochem bʌ tiʼ pusicʼal? ¿Jimba jiñi i familia o i piʼʌlob ti chumtʌl woliʼ mʌctañob? Aqʼuen tiempo chaʼan miʼ wen ñaʼtan jiñi tsaʼix bʌ laʼ wʌlʌ yicʼot chaʼan miʼ qʼuel ti ñuc jiñi cʌntesa am bʌ ti Biblia.
5. Taja ti a woración jiñi lac piʼʌl. Cʼajtiben Jehová chaʼan miʼ coltañet a ñaʼtan chaʼan ti jumpʼejl bʌ qʼuin mi caj i chʼʌm jumpʼejl estudio yicʼot chaʼan miʼ mejlel a pejcan ti wen. Cʼajtiben jaʼel chaʼan miʼ coltañet a ñaʼtan baqui ora yom maʼ cʌy a julaʼtan jiñi mach bʌ añic chuqui yomob (1 Cor. 9:26).
