NE̱NI BUPE̱ ŃO̱NGI
BELĒDI 8
We̱lisane̱
Bete̱sedi: “Ndolo e mawe̱lisane̱.”—1 Kor. 13:4.
Nje Yesu a bolino̱
1. Ombwa SINIMA, to̱so̱ langa Yohane 7:3-5 na 1 Korinto 15:3, 4, 7. Denge̱ o madutea ońola myuedi mi mabupe̱:
Nje di mokwano̱ na Yesu e?
2. E mapula biso̱ we̱lisane̱ ebanja bato bō̱ ba si mapomane̱ kasa myango ma bwam.
Embilane̱ Yesu
3. Keka mbad’a bola nipe̱pe̱. Moto a si pomane̱ te̱ jemea jokwa la Bibe̱l, o si ńakisane̱ mo̱. Epolo ye̱ne̱n te̱, bolane̱ sinima to̱ milopo m’ekwali mō̱ ná wongwane̱ mo̱ o so̱ṅtane̱ ne̱ni jokwa la Bibe̱l di matombano̱, na njika tombwane̱ di jokwa di me̱nde̱no̱ wanea mo̱.
4. O si kobisane̱. Bato be̱se̱ ba titi ńai po̱. Yete̱na elong’a mbia ewo̱ to̱ mot’ekwali weno̱ o pe̱pe̱le̱ e o kiṅakiṅane̱ o jokwa Bibe̱l to̱ jemea belēdi ba Bibe̱l bō̱, wasa so̱ṅtane̱ nje e be̱n njo̱m. Mo̱ a be̱n nde belēdi b’ebasi bō̱ bena be mo̱ mweńa jita e? Mo̱ e nde lembe̱ mińakisan ma belongi bao ba mbia to̱ ma myoyo mao ma mboa e? Bola mo̱ ponda ná a duteye ońola mambo wokwe̱le̱no̱ mo̱, e̱ne̱ pe̱ muse̱ṅ ma nje Bibe̱l e makwalano̱.
5. Kane̱ ońola moto nu lee̱le̱ ńo̱ngi. Kane̱ Yehova ná ongwane̱ wa o be̱ne̱ dipita na be̱ pe̱ ye̱ne̱. Kane̱ mo̱ ná ongwane̱ wa o so̱ṅtane̱ ke̱ moto a si be̱n ńo̱ng’a jokwa, ná wese̱le̱ pe̱pe̱le̱ mo̱.—1 Kor. 9:26.
