Yezu y’a kɛ cogo min na

An be kalan min sɔrɔ Yezu fɛ

2. An ka ɲi ka muɲu sabu dɔw be wagati caaman ta ka sɔrɔ ka sɔn kibaro diiman na.

 Yezu ladegi

3. Koow kɛ cogo wɛrɛ la. Ni mɔgɔ dɔ ma sɔn bibulukalan ma, kana a waajibiya. N’a bɛnnin lo, videwo wala barokun dɔ yira a la min bena a dɛmɛ k’a faamu bibulukalan be kɛ cogo min na ani a bena nafa min sɔrɔ o la.

4. Kana mɔgɔw suma ni ɲɔgɔn ye. Mɔgɔw tɛ kelen ye. A be se ka kɛ ko i somɔgɔ dɔ wala i ka viziti kura dɔ be sigasigara ka bibulukalan kɛ. Wala, n’a sɔrɔ a ka gwɛlɛ a tigi ma ka sɔn Bibulu ka tiɲɛnkalan dɔ ma. N’o lo, a ɲini k’a lɔn fɛɛn min kama. Yala a nɔrɔnin be a ka lannako tigitigi dɔ le la wa? Yala a somɔgɔw wala a sigiɲɔgɔnw b’a kɛlɛla le wa? I ye min fɔ a ye Bibulu koo la, wagati to a ye walisa a ka miiri o la.

5. Delili kɛ a tigi koo la. Jehova deli a k’i dɛmɛ walisa i ka to ka koow filɛ ni ɲɛɛ ɲuman ye ani ka koow kɛ nɛmɛnɛmɛ. Ni mɔgɔ dɔ t’a mako donna sɔbɛ la, Jehova deli a k’i dɛmɛ k’a lɔn tuma min na i ka ɲi k’o viziti kura dabila.—1 Kor. 9:26.