Nǔ e Jezu wa é

Étɛ́ kpɔ́ndéwú Jezu tɔn ka sixú kplɔ́n mǐ?

2. Mǐ ɖó ná nɔ ɖó suúlu, ɖó mɛɖé lɛ́ nɔ yá wǔ yí wɛn ɔ, é ka nɔ byɔ́ hwenu cóbɔ mɛ ɖěvo lɛ́ nɔ yí.

 Xwedó kpɔ́ndéwú Jezu tɔn

3. Tɛ́n wlɛnwín ɖěvo kpɔ́n. Nú mɛɖé ma yí gbe nú Biblu kplɔ́nkplɔ́n tlóló ǎ hǔn, ma zín jǐ tɔn ó. Nɔ zán video lɛ́ alǒ xóta lɛ́ ɖo hwenu e é jɛxá dó é dó d’alɔ ɛ nú é ná mɔ nǔ jɛ lěe Biblu kplɔ́nkplɔ́n ɖé nɔ yi gbɔn é, kpó lěe é ná ɖu le tɔn gbɔn é kpó mɛ.

4. Ma nɔ jlɛ́ mɛ ɖě dó mɛ ɖěvo wú ó. Mɛ bǐ nyí ɖokpó ɔ ǎ. Ényí mɛ e ɖo xwédo towe mɛ é ɖé alǒ mɛ e a nɔ yi ba kpɔ́n é ɖé xo nǔ kpɔ́n dó Biblu kplɔ́nkplɔ́n, kabǐ dó gbeyíyí nú nǔkplɔ́nmɛ Biblu tɔn ɖé wú hǔn, lin tamɛ dó nǔ e wú wɛ é jí. Sinsɛn-núkplɔ́nmɛ ɖé lě wɛ ɖo tají tawun n’i wɛ zɔ́n a? Hɛ̌nnumɔ tɔn lɛ́, alǒ nɔzo tɔn lɛ́ wɛ ɖo kɔ gbídí n’i wɛ a? Nǎ ɛ hwenu bónú é ná lin tamɛ dó nǔ e a ɖɔ é jí, bo ná lɛ́ mɔ lěe nǔ e Biblu ɖɔ é xɔ akwɛ́ gbɔn é.

5. Nɔ xo ɖɛ dó mɛ e ɖe xlɛ́ ɖɔ émí ɖó jlǒ é tamɛ. Nɔ byɔ́ Jexóva ɖɔ é ní d’alɔ we bónú a ná kpo ɖo linlin ɖagbe ɖó dó mɛ ɔ wú wɛ, bo ná nɔ lɛ́ ɖɔ xó n’i kpó yɛ̌yi kpó. Nɔ byɔ́ nukúnnúmɔjɛnǔmɛ bá dó tuun hwenu e a ná ɖó mɛ e ma ɖó jlǒ káká ɖé ǎ é ɖé biba kpɔ́n te é.—1 Kɔ. 9:26.