TE MANGA OKI
REIREI 8
Te Taotaonakinnano
Te boto n reirei: “E taotaonakinnano te tangira.”—1Kor. 13:4.
Te Baere E Karaoia Iesu
1. Mataku n te TAAMNEI, ke wareka Ioane 7:3-5 ao 1 I-Korinto 15:3, 4, 7. Imwina ao nori titiraki aikai:
Tera Reireiara Mairoun Iesu?
2. Ti riai n taotaona nanora ibukina bwa tabeman aomata a tangira te tai ae maan riki ni butimwaea te rongorongo ae raoiroi.
Kakairi Iroun Iesu
3. Kataa te anga riki teuana. Ngkana e aki waekoa te aomata ni kan reirei n te Baibara, tai kairoroia. Ngkana e angaraoi, kamanenai taamnei ke kaongora ni buokia bwa e na ota n te bwai ae riki n te reirei n te Baibara ao arona ni kakabwaiaaki iai.
4. Tai kabotaua. A kakaokoro aroia aomata nako. Ngkana iai kaain te utu temanna ke ae manga okiraki ae e rawa n reirei n te Baibara ke ni butimwaea ana reirei te Baibara, iangoia bwa e aera ngkai e riki anne. Iai ana koaua teuana n ana Aro ae rangi ni kakawaki irouna? E kakaitaraaki irouia ana utu ke kaain rarikina? Anganna ana tai bwa e na iaiangoa te baere ko a tia n taekinna ao n nora kakawakin te bae taekinaki n te Baibara.
5. Tataro ibukin te aomata ae kan ongora. Bubutiia Iehova bwa e na buokiko ni kateimatoa te kantaninga ae raoiroi ao ni bwaina te riai. Tataro ibukin te wanawana bwa ko na ataa te tai ae ko riai ni katoka iai kawaran te aomata ae aki kaota te kan ongora.—1Kor. 9:26.
