ફરી મળવા જાઓ
પાઠ ૮
ધીરજ રાખો
મુખ્ય કલમ: “પ્રેમ ધીરજ રાખે છે.”—૧ કોરીં. ૧૩:૪.
ઈસુએ શું કર્યું?
૧. વીડિયો જુઓ અથવા યોહાન ૭:૩-૫ અને ૧ કોરીંથીઓ ૧૫:૩, ૪, ૭ વાંચો. પછી આ સવાલો પર વિચાર કરો:
ઈસુ પાસેથી શું શીખવા મળે છે?
૨. અમુક લોકોને સંદેશો સ્વીકારતા કદાચ વધારે ટાઇમ લાગે, એટલે આપણે ધીરજ રાખવી જોઈએ.
ઈસુ જેવું કરો
૩. અલગ અલગ રીત અજમાવો. જો વ્યક્તિ બાઇબલમાંથી શીખવા તરત હા ન પાડે તો તેને દબાણ કરશો નહિ. સમય-સંજોગો પારખીને તેને અમુક વીડિયો અથવા લેખો બતાવો. એનાથી તે સમજી શકશે કે કઈ રીતે બાઇબલમાંથી શીખવવામાં આવે છે અને તેને કેવા ફાયદા થશે.
૪. સરખામણી કરશો નહિ. જેમ દરેક આંગળી સરખી હોતી નથી, તેમ દરેક વ્યક્તિ સરખી હોતી નથી. કદાચ તમારા કુટુંબની કોઈ વ્યક્તિ અથવા તમે સંદેશો જણાવ્યો હોય એવી વ્યક્તિ અભ્યાસ કરતા અચકાતી હોય. કદાચ તેને ઈશ્વરના વિચારો સ્વીકારવા અઘરા લાગતા હોય. એમ હોય તો એની પાછળનું કારણ જાણવાની કોશિશ કરો. શું તેને પોતાના ધર્મનું કોઈ શિક્ષણ કે રીતરિવાજ છોડવો અઘરું લાગે છે? શું તેનાં સગાં-વહાલાં કે આજુબાજુ રહેતા લોકો તેનો વિરોધ કરે છે? કદાચ વ્યક્તિને બાઇબલની વાતો સમજતા અથવા એ વાતો કેટલી કીમતી છે એ સમજતા થોડી વાર લાગે. એટલે ધીરજ રાખો.
૫. પ્રાર્થના કરો. યહોવા પાસે મદદ માંગો જેથી તમે નિરાશ ન થઈ જાઓ અને વ્યક્તિ સાથે સમજી-વિચારીને વાત કરતા રહી શકો. ‘શું વ્યક્તિને ખરેખર શીખવાની ઇચ્છા છે? તેને ક્યારે મળવાનું બંધ કરી દેવું જોઈએ?’ એ વિશે યોગ્ય નિર્ણય લેવા પણ યહોવાને પ્રાર્થના કરો.—૧ કોરીં. ૯:૨૬.