LEBE TA BISƐ
ZASEŊƆ 8
Di’isa Suure
Naresum Yele: ‘Nɔŋerɛ tari la sugeri.’—1 Ko. 13:4.
Yezu N Yuun Eŋɛ De Se’em
1. Bisɛ VIDIYO la bii kaalɛ Yon 7:3-5 la 1 Korint 15:3, 4, 7 ge nyaa geele soke ana wa:
To Zamesɛ La Bem Yezu Zɛ’an?
2. La nari ti to di’isa suure, se’ere n sɔi la, la ni yue mɛ ge ti nɛreba basɛba nyaa sakɛ bo yelesoma la.
Tɔɣesa Yezu
3. Tee hon sɔseri se’em bɔ’ɔra nɛra la. Nɛra la san ka sakɛ ti a zamesɛ Baabule la, da pɛ̃regɛ en. La san nara, dekɛ to vidiyodoma bii to gɔnɔ la soŋɛ en ti a bɔkɛ ton zameseri nɛreba Baabule la se’em, la eŋa n wan nyɛ nyuurɔ se’em.
4. Da tara nɛreba makera taaba. Nɛra woo boi la a to’ore. Nɛra san ka bɔta ti a zamesɛ Baabule la, bii a sakɛ bo Baabule pa’alegɔ, ti’isɛ bisɛ sɛla n sɔi ti a ita bala. A nɔŋɛ la sɛla a pu’usegɔ poan ti la kpe’em bo en ti a basɛ yoi? A suurɔ bii a yikpɛ’ɛsi n pɛ̃regeri en ti a da kɛlesa yelesoma la? Ma’ɛ homea ge basɛ ti a ti’isa hon yele en sɛla la ge me ta’an baŋɛ Baabule la n tari nyuurɔ se’em.
5. Zusera bɔ’ɔra nɛra la. Zusɛ Yehowa ti a soŋɛ hɔ ti ho tara putɛsonɛ ge me bɔ’ɔra gilema. Ho ta’an le zusɛ Yehowa ti a soŋɛ hɔ ti ho baŋɛ nɛresɛka n ka boti yelesum la, la wan eŋɛ se’em ti ho kan le lebe a zɛ’an.—1 Ko. 9:26.
