TE INTERES FERKREESERE
LISYOON 8
Say ketultich
Printsipyum: “Ti liip is ketultich.” (1 Kor. 13:4)
Was hot Yeesus kemacht?
1. Kuk te WIITEO orer lees Yoohan 7:3-5 un 1 Korinter 15:3, 4, 7. Nochter, tuu tiise frooche antworte:
Was khene mer fon Yeesus lërne?
2. Meyer mise ketultich sin wayl etliche layt prayche mee tsayt wii ti anere fer ti kuute notisye aan nëme.
Mach Yeesus noo
3. Fersuuch etwas aneres penutse. Wën te persoon net klaych een Piipel xtuutyum aan nëme wil, tuu tëm net tswinge. Wëns phast, penuts wiiteos orer artikele fer tëm helfe se ferxteen wii een Piipel xtuutyum is un wii tas kuut fer tëm weyer.
4. Mach khee ferklaychunge. Yeete persoon is anerste. Wën een parent orer een persoon woos tuu am pesuuche pist, wil net een Piipel xtuutyum orer een piiplix inlërnung aan nëme, fersuuch ferxteen warom eyer soo tenkt. Meecht een inlërnung fon sayn khërich aarich wichtich fer tëm sin? Tuut eyer unertrikung fon sayn parente orer nochpere mit mache? Kep tsayt fer te persoon tenke aan was tuu kesaat host un aach tas eyer erkhëne khan wii wichtich es is was ti Piipel in lërnt.
5. Peet tsu Kot iwer te persoon woo interes hot. Ferlang tas Yeehoowa tich helfe sol wayter hofnung hon un kexik tsayche. Peet tas eyer tich ferxtëntnis kepe sol tas tuu mërke khanst wan tuu solst noo lose te persoon pesuuche woo weenich interes hot. (1 Kor. 9:26)
