KA TSAB TSAʼBIY AN ATIKLÁBCHIK
AJUMTALÁB 8
Ka tejwamédhaʼ i kʼayaʼtaláb
An texto jutʼáj ti kaldhámej: «Jitats u kʼanidhom u lej kʼayaʼnax» (1 Cor. 13:4).
Jawaʼ in tʼajaʼ a Jesús
1. Ka tsuʼuw an VIDEO o ka ajiy Juan 7:3-5 ani 1 Corintios 15:3, 4, 7. Ani talbél ka tʼajaʼ ti kwéntaj axéʼ xi konowixtalábchik:
¿Jantʼoj tu exóbchal in tʼiplabil a Jesús?
2. Talchik i atikláb u owel abal kin batsʼuw an alwaʼ kaw ani talchik imbáj, jaxtám i yejenchal i kʼayaʼtaláb.
Ka nitsʼbiy a Jesús
3. Ka jalkʼuy jawaʼ a ujnám ka tʼajaʼ. Max ka tʼilmay jun i atikláb ani yab in leʼ jun i exobintaláb kʼal an Biblia, yab ka nixokʼnaʼ. Pero max an atikláb yab in pojkál, a éjtowal ka eyendhaʼ jun i video o jun i artículo axi in tejwamedhál jantʼiniʼ jats an exobintaláb axi binál ani axi in tejwamedhál jantʼiniʼ ti neʼets ka tólmiyat max kin batsʼuw.
4. Yab ka jumbiy nibal kʼal jitaʼ. Yab waʼats nibal jun i atikláb axi junat in tsalap. Ka konowiy ta baʼ jaleʼ ti jun a yanél o a juntal kʼwajíl yab in leʼ kin batsʼuw jun i exobintaláb o yab in belál jawaʼ in ulal an Biblia. ¿Walám pel kom an atikláb in lej kʼanidhál jawaʼ in belál? ¿Walám u tomolnáb kʼal in yanél o kʼal in at kʼwajíl? Ka jilaʼ ka watʼey i kʼij abal jajáʼ kin tsalpay kʼal jawaʼ a olchámal ani abal kin pidhaʼ in jalbíl jawaʼ in ulal an Biblia.
5. Ka ólchij a Jehová tin kwéntaj an atikláb. Ka konchij a Jehová abal ti tólmiy ka koʼoy jun i tsalap axi tekedh ani ka exlaʼ jantʼoj tam kaw ka eyendhaʼ. Jayej ka konchij a Jehová ti tólmiy abal ka exlaʼ jaykʼiʼ yabáts ka tsaʼbiy jun i atikláb (1 Cor. 9:26).
