Oviṋa Jesus mbya tjita

Matu rihongere ko ye okuza ku Jesus?

2. Eṱe matu hepa okukara nomuretima mena rokutja ovandu tjiva ve toora orure pu varwe okuyakura ombuze ombwa.

 Horera ku Jesus

3. Rora okuzuvarisa momiano vyarwe. O ṋiṋikiza omundu tje hi nokuvanga okuyakura omerihongero wOmbeibela oiri ndjo. Indu tji wa munu oruveze oruwa, ungurisa ouvidio poo otupa tu matu mu vatere okuzuva kutja pe tjitwa tjike pomerihongero wOmbeibela nokutja ma yenene vi okumuna mo ouwa.

4. O sasaneke ovandu. Omundu auhe u nongaro ye omuini. Indu okaṋepo keṱunḓu poo omundu ngwa raisa onḓero tji ma keyakeya okurihonga Ombeibela poo okuyakura omerihongero wOmbeibela, tara kutja otjikwaye tji mape ya atji tjiti nao. Hapo pe noviṋa mbye kambura mo tjinene? Hapo eye u muna oṋiṋikizire okuza kovazamumwe poo kovararanganda? Mu pa oruveze okuripurira koviṋa mbi wa hungira nu ma mune ounanḓengu woviṋa Ombeibela mbi hungira.

5. Kumbira omundu ngwa raisa onḓero. Ningira Jehova okukuvatera kutja u kare noumune ouwa nokukara nongengezero. Ningira Jehova okukuvatera okutjiwa kutja mo sokuisa okukavarura omundu tje hi nokuraisa onḓero poo indee.—1 Kor. 9:26.