DATAI NGABAS
PELAJAR 8
Sabar
Prinsip: “Pengerindu nya . . . sabar.”—1 Kor. 13:4.
Nama Utai Ti Digaga Jesus?
1. Peda VIDEO, tauka bacha John 7:3-5 sereta 1 Korint 15:3, 4, 7. Udah nya, perundingka sekeda tanya tu:
Nama Ulih Dipelajarka Kitai Ari Jesus?
2. Kitai patut besabar laban sekeda orang begunaka mayuh agi awak kena nerima Berita Manah enti dibandingka enggau orang bukai.
Neladan Jesus
3. Uji ngena chara bukai. Enti iya enggai belajarka Bup Kudus tekala nya, anang meh ngansak iya. Enti ulih, kena meh video tauka artikel ngambika ulih nulung iya meretika utai ke nyadi lebuh belajarka Bup Kudus, sereta penguntung ke deka diulih iya.
4. Anang manding. Tiap iku orang enda sama. Enti siku ari diri sebilik tauka orang ke diabas kitai kakang ati deka belajarka Bup Kudus, tauka nerima siti ari ajar Bup Kudus, perundingka meh nama kebuah iya. Kati bisi ajar ari pengarap iya ke amat penting ba iya? Kati iya napi tekanan ari kaban belayan tauka orang ke diau semak enggau iya? Beri meh awak ngagai iya ngambika iya ulih berunding pasal utai ke disebut nuan, lalu meda baka ni ajar Bup Kudus nya berega.
5. Besampika orang ke bisi minat nya. Pinta meh tulung ari Jehovah ngambika ulih nulung nuan mengkang positif sereta nemu berunding. Besampi meh minta penemu ari Jehovah ngambika nuan ulih nemu kemaya ulih ngetu datai ngabas ngagai orang ke nadai minat.—1 Kor. 9:26.
