KPA ANG ỌJẸ́JẸ KỊLAHỊ
ANG ỌJẸ́JẸ 8
Ugbodu Ojuju
Itiwe nya Ehile: “Ọháha ọlala nya ịlẹhị-ịlẹhị kaa la ugbodu ojuju onyudiyo.”—1 Kọr. 13:4.
Ang Ọlẹ ká IJisọsị Họ
1. Yẹ IFIM ọwẹ, lee wa ịJọn 7:3-5 bala 1 Ala ịKọrịntị 15:3, 4, 7. Ká kụ ẹhị yẹ ịtọ ẹla ileji ịlẹ:
Ẹlịyẹ Ahị Tị́ Jẹ́ Bwu Ẹga nya IJisọsị?
2. Ahị baba kahị ka ju ugbodu, chajị ọ kaa kpa angịhyẹ tata gụ angịkịla nyọka ye ẹrụ ọnyịịla ọlẹ myị.
Ba Ọgụ-ẹpẹtẹ nya IJisọsị Jẹ
3. Kpa ụgbẹyị ọkịla. Kori ká ọngịnyị á myị ọnụ nyọka jẹ́ ịBayịbụụ balang lụka nya ọgbanyẹ ka wẹwẹ, á chọọ anya kạ. Ụka kọ pwoku, kpa ifim lee apwụ nyahị ịkịla ịlẹ kị da, dọọ ụbwọ nyọka jẹ́ jaabwọ ká ịBayịbụụ ọlẹ kahị kaa jẹ́ bala ọngịnyị kaa la bala apyobwuna ịlẹ kọ ka yé.
4. Á chụ angịnyị pwoku awụlẹ ka. Ọngọngọọng datị. Kori ká ọngọhẹ bwu ugbiyegu nyang lee ọngọlẹ ká mwẹẹkpẹ kaka ya ẹla Ohe ju a họ atịmẹ la ọ-ka dọmwụ nya ịBayịbụụ ọjẹ́jẹ lee ọ-pwa ju ọmẹjẹ ịla ịBayịbụụ, kụ irya nya ang ọlẹ kọ ka du myị. Ọmẹjẹ nya ịgba ọgbagba nyamwụ ọhẹ kpangga juwa kọ baba họọ lụmẹ? Alugbiyegu nyamwụ lee angị kụ bọọba kaa kpa ẹla tụ rịrọọ? Ya ẹga da họọ kọ ka kụ irya ju ẹla ọlẹ ka ya bala ọ-ka yẹ apyobwuna nya ẹla ọlẹ ká ịBayịbụụ ya.
5. Raabwọ u-uhye nya ọng myị́ ọng ọlẹ kọ tịtọ nyọka jẹ́ ang gụ ọọwa. Bịlẹ iJihova kọ ka dang ụbwọ ká ka kịnyaa la ọ-la ẹhị ọrịrịị-rịrị bala ọ-họ ẹla la irya. Bịlẹ iJihova kọ ka dang ụbwọ ká ka jẹ́ ụka ka ẹla nyahị á há ọngịnyị ka ịnyịlẹhị, chajị ká ka hwabwọ la ọmwẹẹkpẹ ka ẹga nyamwụ.—1 Kọr. 9:26.
