WAỊ MÚ KỊMỊOTU LAAMỊNỊ MỊ
TOLUMỌYỌ 8
Etipou
Bible tolumọye: “Tarị etipoumịnị.”—1Cor. 13:4.
Jesus Mịẹye Mị
1. VIDIO dii, anịghakpọ John 7:3-5 mọ 1 Corinthians 15:3, 4, 7 mọ goo dá, bei biibịbịbo kẹrị iroro:
Jesus Mịẹye Mị Te Ka Kị Wó Tolumọ Ma O?
2. Zụa otu kịalị ebiegberi kẹrịakịgha duonị, omịnị etipou agbẹịemi.
Jesus Dimịẹ
3. Zịnị ụwọụ akị egberi gbaa. Ụbọ bị, tịẹkiri bọọ ị́ mọmọ́ Bible tolumọ dọụghaba ụ penimọkụmọ. Agbẹịemi-aba, wó akị kịmịotu mọ Bible tolumọmịnị bara mịẹdịa wẹrịemi vidio anịghakpọ egberitịbịama akị ụbọ mọ ẹrẹtei dá, baratụa ụbọ pịrịwẹrị wó akị kịmịotu mọ Bible tolumọmịnị bara mọ, bá Bible tolumọmịnị bolou bọọ emi arerebo mọ dọụ ẹrị.
4. Ụbọ bị akị zịnị kịmị tọnmọkụmọ. Kịmịsẹ kẹnịbara fa. Anịduonị iné bịna ụbọ, anịghakpọ iné egberigbaa pịrịwẹrị ụbọ ị́ mọmọ́ Bible tolumọ dọụghaba, angọtụa dá ụbọ bị tolumọ dọụgha tuu nimi. Ụbọ mị wo karịbụọ kẹrịkụrọmọ wẹrịemi a? Ụ mọmọ́ kẹnịyọ-emi otu, anịghakpọ wo bịna-otu ụ mịẹ-dẹrịmịnị a? Mọaba, ifie akị ụbọ pịrịdá ị́mịnị Bible duo gbaa ụ pịrịdẹ yebo mọ, bá bịsẹ yebo yelaa-emi bara mọ kẹrị iroro.
5. Tẹẹ akị dịsẹnana wẹrịemi ụbọ pịrị. Tẹẹ Jehovah pịrịdá baratụa ị́ pịrị wẹrị ụbọ bị iné egberi pei a paaemi ikiemọye nana. Tẹẹ Jehovah yarịdá kịlịkịlị-nimiye akị ị́ pịrịwẹrị waị mú dịsẹnana-kaagha ụbọ laamụ yọbị tịẹmọ agbẹị ifie nimi.—1Cor. 9:26.