AENTS WAKETRUKIM IYUTA
AKANKAMU 8
Katsuntin ata
Yuusa chichame jintinkratma: “Anenkratniuka katsuntratniun jeawai” (1 Cor. 13:4 TNM).
Jesús warinia turamia
1. VIDEO iista turutskesh Juaṉ 7:3-5 tura 1 Kurintiunam 15:3, 4, 7 aujsata. Turam ju anintramu aimkiata:
Jesús turamia nuna wari nekaamniaitiaj?
2. Yuusa chichamen penker nekaatniun warik wakerichusha irunniuiti tuma asamtai katsuntin atiniaitji.
Jesusa aintsamek najanata
3. Utsukaip. Aents yama nankamtaikkia Yuusa chichamen unuimiartinian nakitiakuinkia utsukaip. Yuusa chichamesha itiura unuikiartaj tura nusha itiura yainminiait nuna nekaat tusam video turutskesha jw.org nui aarma irunu tura ii papiirin aarma irunusha iniaktusminiaitme.
4. Chikichjai apatkam enentaimsaip. Aentska metekcha ainiawai. Amee shuar turutskesha chikich aentskesha Yuusa chichamen unuimiartinian nakitiakuinkia turutskesha Yuusa chichame tana nuna nekasaiti tu enentaimchakuinkia urukamtai tu enentaimia nui enentaimsata. Warinia yaunchunia nekaamun yapajiachminian nekapea? Nii shuar turutskesh chikich aents utsuiniawak? Yuusa chichame aujmattsamunam nui enentaimias ninki wakerukat tusam iniaisata.
5. Jehová seakum nu aentsnasha aujmattsata. Wara warat ajatin tura warinkisha amamkesan titinian Jehová yainkiat tusam seata. Nuyasha urutai waketrukim iyutniusha iniaisamniaitiam nu nekaatniun Jehová yainmakat tusam seata (1 Kur. 9:26).
