KŨSYOKEA ALA MEKWENDEEWʼA
ĨSOMO YA 8
Ĩthĩwa na Wũmĩĩsyo
Mwolooto: “Wendo nĩwũmĩĩasya.” —1 Ako. 13:4, maelesyo ma kwongeleela.
Kĩla Yesũ Weekie
1. Ĩloele VITIO, kana ũsome Yoana 7:3-5 na 1 Akolintho 15:3, 4, 7. Ĩtina wa ũu, sũanĩa makũlyo aa maatĩĩe:
Ngelekanyʼo ya Yesũ Yĩtũmanyĩsya Kyaũ?
2. Nĩtwaĩle kwĩthĩwa na wũmĩĩsyo nũndũ andũ amwe makuaa ĩvinda yĩasa mayĩsa kũtwʼĩka nĩmeetĩkĩla ũvoo mũseo.
Atĩĩa Ngelekanyʼo ya Yesũ
3. Tũmĩa nzĩa yĩ kĩvathũkanyʼo. Ethĩwa yu tũĩ mũndũ ndekwenda kwĩmanyĩsya Mbivilia, ndũkamũthingʼĩĩsye. Woona vaĩlĩte, tũmĩa vitio kana ũvoo ũngĩ kũmũtetheesya aelewe kĩla twĩkaa yĩla tũũmanyĩsya mũndũ na ũndũ ũtonya kũtetheka.
4. Ndũkaelekanyʼe andũ. Andũ me kĩvathũkanyʼo. Ethĩwa mũndũ wa mũsyĩ kana ũla ũsyokeete ndeyũmbanĩtye kwambĩĩa kwĩmanyĩsya Mbivilia kana kwĩtĩkĩla momanyĩsyo ma Mbivilia, sũanĩa nĩ kyaũ kĩtonya kwĩthĩwa kĩimũsiĩĩa. Nĩvethĩwa ve ũmanyĩsyo mũna wa ndĩni wonaa wĩ wa vata mũno? Nĩwĩthĩwa aikĩa andũ ma mũsyĩ kana atũi? Mũnenge ĩvinda asũanĩe kĩla wamũtavya na ayona vata wa kĩla Mbivilia ĩmanyĩasya.
5. Voyaa kwondũ wa ala mekwendeewʼa. Mũvoye Yeova aũtetheesye ũendeee kwĩthĩwa na ũĩ na woni mũseo. Mũvoye aũtetheesye kũelewa nĩ ĩndĩĩ waĩle kũeka kũsyokea mũndũ ũte kwendeewʼa.—1 Ako. 9:26.
