Kuzê ki Jizus faze

Kuzê ki nu ta prende ku Jizus?

2. Nu meste ten paxénxa pamodi alguns algen ta leba más ténpu pa seta notísias sábi di ki otus.

 Imita Jizus

3. Tenta prega di un manera diferenti. Si kel algen ka seta lógu un studu di Bíblia, ka bu forsa-l. Lógu ki da, uza vídius ô publikasons pa djuda-l intende kuzê ki é un studu di Bíblia i modi ki un studu di Bíblia pode djuda-l.

4. Ka bu konpara. Ka ten ningen ki é igual ku kunpanheru. Si un algen di bu família ô un revizita inda ka krê studa Bíblia ô ka seta un kuza ki Bíblia ta inxina, tenta intende pamodi ki kel-li sta ta kontise. Ten algun krénsa di se relijion ki é txeu inportanti pa el? Ten algun algen di se família ô algun vizinhu ki sta ta faze-l preson? Da-l ténpu pa el pensa sobri kuzê ki bu fla-l i pa el odja valor ki Bíblia ten.

5. Ora pa kel algen ki mostra interesi. Pidi Jeová pa djuda-u kontinua ku speransa i ta pâpia ku ruspetu. Pidi Jeová pa djuda-u sabe óras ki un algen ka tene interesi i si bu debe para di vizita-l. — 1 Kor. 9:26.