ULAʼANIHEBʼ
TZOLOM 8
Yuʼami li kuyum
Li naxye li Santil Hu: «Li narahok wank xkuyum» (1 Cor. 13:4).
Li kixbʼaanu li Jesús
1. Taawil li BʼIDEO malaj taayaabʼasi Juan 7:3-5 ut 1 Corintios 15:3, 4, 7. Chirix chik aʼan taatzʼil rix ebʼ li patzʼom aʼin:
Kʼaru naqatzol rikʼin li Jesús?
2. Naʼajmank naq twanq qakuyum xbʼaan naq moko chixjunilebʼ ta nekeʼxkʼulubʼa saʼ junpaat li chaabʼil esilal.
Kʼam aawe rikʼin li Jesús
3. Yal junaq chik li naʼlebʼ. Wi saʼ xtiklajik inkʼaʼ naxkʼulubʼa xtzolbʼal li Santil Hu, maamin ru. Abʼan, wi naxkʼe ribʼ, oksi ebʼ li bʼideo malaj junaq chik li naʼlebʼ re xkʼutbʼal chiru chanru natzolmank li Santil Hu ut chanru ttenqʼaaq xbʼaan li Santil Hu wi naʼok chi tzolok.
4. Maaʼani taajuntaqʼeeta. Moko juntaqʼeet ta li junjunq chi qas qiitzʼin. Wi moko chʼolchʼo ta chiru junaq laawech-alal malaj junaq chik li qas qiitzʼin naq tixtzol li Santil Hu malaj tixkʼulubʼa junaq li naʼlebʼ li naxkʼut li Santil Hu, kʼoxla kʼaʼut. Ma toj wank xwankil choʼq re junaq li naʼlebʼ li kixtzol chaq saʼ junaq li paabʼal? Ma yook chi mineʼk ru xbʼaan li xjunkabʼal malaj li rechkabʼal? Kʼe xhoonal re naq tixkʼoxla chiʼus chirix li xexʼaatinak ut re naq troxloqʼi li naxkʼut li Santil Hu.
5. Tijon chiru li Jehobʼa chirix li qas qiitzʼin. Tzʼaama re li Jehobʼa naq tatxtenqʼa chi xkʼoxlankil naq saʼ jun kutan tixkʼulubʼa tzolok ut naq inkʼaʼ taatochʼ xchʼool. Ut tijon ajwiʼ chiru li Yos re naq tatxtenqʼa chi xnawbʼal joqʼe taakanabʼ rulaʼaninkil li qas qiitzʼin li moko mas ta naxkʼe xchʼool chi rabʼinkil li Raatin li Yos (1 Cor. 9:26).
