KWAMIRIRA
ERISOMO 8
Erighumisirizya
Omusingyi: “Olhwanzo lhukayibombeka [lhukaghumisirizaya].”—1 Kor. 13:4.
Ebya Yesu Akolha
1. Mulebaye EVIDIYO, kutse musome Yoane 7:3-5 na 1 Abanya Korinto 15:3, 4, 7. Neryo mukanaye okwa bibulyo bino:
Ni Byahi Ebya Thuk’ighira oku Yesu?
2. Thutholere ithwaghumisirizya kundi abandi bakathwalha buthuku eriligha engulhu yuwene kwilhaba abandi.
Gherereraya Yesu
3. Lengesaya eyindi nzira. Omundu amaghana eriligha aho n’aho erigha e Biblia, leka erimuhathikana. Okwa buthuku obutholere, kolesaya esyovidiyo kutse emyatsi erimuwathikya eriyitheghererya erigha lye Biblia nga likabya lithi kandi ng’angaghasirwa athi.
4. Isiwalinganisaya owundi n’owundi. Obuli mundu ali mbaghane. Omuhughu kutse oyo wukasubako amasagha erigha e Biblia kutse akaghana engangirirya ye Biblia, lengekanaya nga ni kyahi ekyangabya iky’ekyamaleka. Mbwino awithe engangirirya ndebe ey’edini eyo amakirire? Mbwino akabana akahathikano erilhua okwa bahughu kutse abataka? Muhe obuthuku bw’erilengekania okwa ebya wabiribugha n’erisima ebya Biblia yamabugha.
5. Saba busana n’oyuwamanzisibwa. Saba Yehova wuthi akuwathikaye wusighale iwunawithe amalengekania awatholere kandi wukolesaye amenge. Saba obuyitheghererya bw’eriminya omughulhu w’erileka erisuba ok’oyukakanganaya erianzisibwa like.—1 Kor. 9:26.
