Yesu Nshaakacita

Ino Nciinshi Nceenga Tweeya Kucakubonenaako Cakwe e Yesu?

2. Tulyeelete kukalika moyo mukwiinga bamwi balatola ciindi kwaamba ayi basumine kwiiya makani abotu.

 Amukonkele Cakubonenaako Cakwe Yesu

3. Amweelesheko nshila imwi. Na muntu wakaka kutalika kwiiya Baibo pesule lya kumushimikila, mutamukakatishi. Na kaceelela, amumutondeshe mavidyo na makani amwi eenga amucafwa kushiba ciiyo ca Baibo mbocicitwa alimwi ambweenga kwiiya Baibo kwamucafwa.

4. Mutamweelanyi kubamwi. Bantu balipusenepusene. Na shikamukowa nabi wooyo ngomwaboolelaako atoowayawaya kwiiya Baibo na kushoma Baibo nshoiisha, amweeleshe kushiba citolengesha. Sa kuli shimwi sha kubupailishi nshaashoma nshaabona ayi shilayandika abuumbi? Sa beshikamukowa na bantu mbwaabambenaabo balamupikisha? Amumukalikile moyo kwaamba ayi ayeeyewo pashintu nshomwaamba akunyumfwishisha Baibo nshoyaamba.

5. Amumupailileeko muntu usuni kwiiya. Amusenge Yehova kwaamba ayi amucaafwe kutolelela kulangila akunokwaamba munshila yeenga taimukalashi. Amupaile kwaamba ayi Yehova amucaafwe kushiba ndyeenga mwayandika kucileka kuyaako kumuntu watondesha ayi taasuni kwiiya.—1 Koli. 9:26.