Nyi ma pfuhˇ ve chaw geh ca kʼawꞈ guiˇ˗e ve
Awˬ lawn 8
Yeunˇ hkanˍ ve
Awˬ liˇ awˬ hkʼaˇ: ‘Haꞈ pehnˇ ve lehˬ, dawˇ zuhˬ gaˇ zuhˬ ve yoˬ.’—1 Kawˇrenˍhtuˆ 13:4.
Yeˍsuˆ hkʼaˬ hkʼe te ve le?
1. VDO nyi ve maˇ heˆ leh Yoˇhanˬ liꞈ 7:3-5 leh 1 Kawˇrenˍhtuˆ liꞈ 15:3, 4, 7 gʼaw sheˍ. Peuˬ leh na hkawˇ chi teˇ hpaˍ htaꞈ dawˇ nyi sheˍ:
Yeˍsuˆ ve awˬ lawn aˬ htoꞈ ma maˍ laˇ ve le?
2. Chaw teˇ hpaˍ daꞈ ve awˬ lawn sha tanˇ htaꞈ na gaˇ tuˬ awˬ yanˇ gʼa yehˇ maw ve pa taw, ngaˬ hui gʼa yeunˇ hkanˍ ve yoˬ.
Yeˍsuˆ htaꞈ henˇ yuˬ ve
3. Awˬ nu ve awˬ hkʼaˇ yehˇ ve. Liꞈ hpu henˇ˗a tehꞈ laꞈ haˉ maˇ kʼoˆ laˇ ve chaw cawˬ ve kʼo, yawˇ htaꞈ taˇ nyiˉ piˇ. Ngaˬ hui Liꞈ hpu hkʼaˬ hkʼe te henˇ ve, leh yawˇ awˬ pon awˬ bon hkʼaˬ hkʼe gʼa ve htaꞈ shiˍ tuˬ, VDO maˇ heˆ leh awˬ lawn teˇ hpaˍ kʼoˆ maˍ piˇ sheˍ.
4. Shu htaꞈ maˇ tehˆ daꞈ ve. Teˇ gʼaˇ leh teˇ gʼaˇ maˇ shuˍ daꞈ ve yoˬ. Ngaˬ hui ve yehˬ kʼa hkʼaw ve chaw, maˇ heˆ leh ngaˬ hui ca kʼawꞈ guiˇ˗e ve chaw, Liꞈ hpu henˇ tuˬ kawˆ ve, maˇ heˆ leh Liꞈ hpu hkʼaw maˍ ve awˬ lawn htaꞈ htawˇ dawˇ nawˬ dawˇ cawˬ ve kʼo, aˬ htoꞈ ma te yawˇ chi hkʼe dawˇ ve le tehꞈ dawˇ nyi sheˍ. Yawˇ ve yonˍ hkʼaˇ htaꞈ a yeˇ uiˍ jaˇ tehꞈ shawˍ ve pa taw, pa tuˬ haˍ jaˇ ve laˇ? Yawˇ ve awˬ viˉ awˬ nyi maˇ heˆ leh yawˇ ve awˬ chawˇ awˬ paˆ yawˇ htaꞈ tawˍ piˇ chehˇ ve laˇ? Ngaˬ hui kʼoˆ maˍ piˇ ve awˬ lawn htaꞈ yawˇ dawˇ nyi tuˬ leh Liꞈ hpu hkʼaw maˍ laˇ ve awˬ ceuˬ yawˇ awˬ pon awˬ bon cawˬ jaˇ ve tehꞈ mawˬ tuˬ awˬ yanˇ gʼa piˇ ve yoˬ.
5. Nyi ma pfuhˇ ve chaw awˬ pon bon lawˬ piˇ ve. Yawˇ htaꞈ dawˇ law leh yawˆ yan piˇ tuˬ Yaˬhoˉvaˬ ga laˇ tuˬ bon lawˬ sheˍ. Nyi ma maˇ pfuhˇ ve chaw teˇ hpaˍ htaꞈ hkʼaˬ hkʼe htaˇ maˇ kʼawꞈ caˉ daꞈ cawˇ ve htaꞈ shiˍ tuˬ, Yaˬhoˉvaˬ geh bon lawˬ sheˍ.—1 Kawˇrenˍhtuˆ 9:26.
