ຕິດຕາມ
ບົດທີ 8
ອົດທົນ
ຫຼັກການ: “ຄວາມຮັກອົດທົນ.”—1 ກຣ. 13:4
ສິ່ງທີ່ພະເຢຊູເຮັດ
1. ເບິ່ງ ວິດີໂອ ຫຼືອ່ານໂຢຮັນ 7:3-5 ແລະ 1 ໂກຣິນໂທ 15:3, 4, 7. ແລ້ວຕອບຄຳຖາມຕໍ່ໄປນີ້:
ເຮົາໄດ້ບົດຮຽນຫຍັງຈາກພະເຢຊູ?
2. ເຮົາຕ້ອງອົດທົນເພາະບາງຄົນໃຊ້ເວລາດົນກວ່າຄົນອື່ນໆໃນການຍອມຮັບຂ່າວດີ.
ຮຽນແບບພະເຢຊູ
3. ລອງໃຊ້ວິທີອື່ນ. ຖ້າຜູ້ທີ່ເຮົາລົມນຳບໍ່ຕົກລົງຮຽນຄຳພີໄບເບິນທັນທີ ກໍຢ່າບັງຄັບລາວ. ເມື່ອມີໂອກາດ ໃຫ້ໃຊ້ວິດີໂອຫຼືບົດຄວາມຕ່າງໆເພື່ອຊ່ວຍລາວໃຫ້ເຂົ້າໃຈວ່າເຮົາຮຽນຄຳພີໄບເບິນແນວໃດແລະລາວຈະໄດ້ຮັບປະໂຫຍດແນວໃດ.
4. ຢ່າປຽບທຽບ. ແຕ່ລະຄົນບໍ່ຄືກັນ. ຖ້າຄົນໃນຄອບຄົວຫຼືຄົນທີ່ເຈົ້າກັບໄປຢາມຍັງລັງເລທີ່ຈະຮຽນຄຳພີໄບເບິນຫຼືຍອມຮັບຄຳສອນໃນຄຳພີໄບເບິນ ລອງຄິດເບິ່ງວ່າເປັນຫຍັງຈຶ່ງເປັນແນວນັ້ນ. ມີຄວາມເຊື່ອທາງສາສະໜາເລື່ອງໃດເລື່ອງໜຶ່ງທີ່ສຳຄັນຫຼາຍສຳລັບລາວບໍ? ລາວຖືກຍາດພີ່ນ້ອງຫຼືເພື່ອນບ້ານກົດດັນຢູ່ບໍ? ລອງໃຫ້ເວລາລາວຄິດກ່ຽວກັບສິ່ງທີ່ເຈົ້າເວົ້າ ແລະໃຫ້ເວລາລາວເພື່ອຈະເຫັນຄ່າສິ່ງທີ່ຄຳພີໄບເບິນສອນ.
5. ອະທິດຖານເພື່ອຜູ້ສົນໃຈ. ຂໍພະເຢໂຫວາຊ່ວຍເຈົ້າໃຫ້ບໍ່ໝົດຫວັງແລະຮູ້ວິທີຊ່ວຍລາວ. ຂໍພະເຢໂຫວາຊ່ວຍເຈົ້າໃຫ້ຮູ້ວ່າໃຜບໍ່ສົນໃຈແທ້ໆແລະເຈົ້າຄວນເຊົາກັບໄປຢາມລາວ.—1 ກຣ. 9:26