Zanaaezize Jesu

Luitutañi ku Jesu?

2. Lutokwa kuba ni pilu-telele kakuli batu babañwi kubaangelanga nako yetelele kuli baamuhele taba yende.

 Mulikanyise Jesu

3. Mulike mukutalezo usili. Haiba mutu haatabeli kuituta Bibele ni mina, musike mwamuhapeleza. Haiba kwaswanela, muitusise mavidio ni litaba ze mwa lihatiso zaluna kuli mumutuse kuutwisisa zeezahalanga fa tuto ya Bibele ni moikona kumutuseza.

4. Musike mwabapanya batu. Batu bashutana. Haiba mutu yomuñwi mwa lubasi kamba mutu yeluambozi ni yena azina-zina kuamuhela tuto ya Bibele kamba taba yeñwi ya mwa Bibele, munyakisise libaka hakuli cwalo. Kana kunani tuto yeñwi ya mwa bulapeli bwahae yaanga kuba ya butokwa hahulu ku yena? Kana ukopana ni twaniso yezwa ku bahabo yena kamba batu babañwi mwa silalanda? Mumufe nako ya kunahanisisa zemu mubulelezi ni kuli abone butokwa bwa litaba zeiluta Bibele.

5. Mulapelele mutu yatabela. Mukupe Jehova kuli amituse kuli musike mwazwafa ni kuli mube ni maseme. Mukupe kuli amituse kuba ni temuho ya kuziba nako yemukona kutuhela kupotela mutu yasatabeli hahulu kuituta.—1 Makor. 9:26.