GŨCOOKERA ANTŨ
KĨTHOOMO KĨA 8
Weteeri
Ũritani: “Wendo nĩ bwĩthagĩrwa na weteeri.”—1 Ako. 13:4, NWT.
Ũrĩa Jesũ Aathithĩrie
1. Tega VIDIO ĩjĩ, kana ũthoome Johana 7:3-5 na 1 Akorintho 15:3, 4, 7. Rĩu ũcookie biũria bibi bithingatĩte:
Nĩmbi Tũkwiritana Kuumania na Jesũ?
2. Nĩtũkũbatara kwĩthĩrwa na weteeri tontũ antũ bamwe nĩ bajũkagia ĩgiita rĩĩraaja nkũrũki ya bangĩ gwĩtĩkĩĩria nkuma ĩnjega.
Igerekanie na Jesũ
3. Geria njĩra ĩngĩ ya gũkinyĩra antũ. Kethĩra muntũ atĩkwenda bwambĩĩria wiritani bwa Bibiria orĩo, ũkamũkinyĩĩria. Tumĩra vidio cietũ kana icuncĩ bia kũthooma, nĩkenda ũmũtetheeria gũciũkĩrwa nĩ ũrĩa gũkarĩkaga kĩrĩ wiritani bwa Bibiria na ũrĩa omba kũgunĩka kuumania nabu.
4. Ũkaringithania muntũ na bangĩ. O muntũ nethagĩrwa na mantũ mwanya na ja antũ bangĩ. Kethĩra muntũ wa nja kana muntũ ũrĩa ũgũcookerete atĩkwenda kwiritana Bibiria, kana atĩkwenda gwĩtĩkanĩĩria na ũritani bũnna bwa Bibiria, thũgaanĩria gĩtũmi kĩũmba kwĩthĩrwa kĩrĩ kĩrĩkũ. Rĩ, kwomba kwĩthĩrwa kũrĩ na ũritani bũnna bwa ndini endeete mono? Kwomba kwĩthĩrwa ka agũkĩra antũ ba nja kana atũũri? Mwee kagiita athũgaanĩrie jarĩa ũkũmwĩra na jarĩa Bibiria ĩkũritana.
5. Romba tontũ bwa muntũ ũrĩa ũkwonania wendi. Romba Jehova agũtethie kwĩthĩrwa na mwonere jũmwega na ũũme. Romba Jehova agũtethie kwĩthĩrwa na ũũme bwa kũmenya ĩgiita rĩa gũtiga kũriũngĩra muntũ ũrĩa ũtĩkwonania wendi.—1 Ako. 9:26.
