Iesu be Dahaka E Kara?

Iesu Ena amo Dahaka Ta Dibamu?

2. Haheauka na mai anina bada, badina taunimanima haida ese sivarai namona be e abia dae haraḡamu, a haida be basie abia dae haraḡamu.

 Iesu Ba Tohotohoa

3. Dala ma ta ba tohoa. Bema matamanai ta na se uramu Baibul baine stadilaia, basio doria. To nega maorona ai vidio eiava atikol haida amo Baibul istadilaina dalana, bona Baibul ese baine durua dalana ba hahedinaraia.

4. Ta na ma ta ida basio haheḡereḡerea. Taunimanima na i’idau-i’idau. Bema emu ruma bese tauna ta eiava o lou heniamu tauna na e daradaramu Baibul baine stadilaia, eiava Baibul ena hahediba herevana ta baine abia dae na auka, badina ba tahua. Reana se uramu ena tomadiho hahediba herevana ta baine dadaraia, eiava varavarana o dekena taudia ese e kouamu. Nega ba henia o herevalai ḡaudia baine lalohadailaidia, bona Baibul ena hereva ese ia baine durua daladia baine lalodia.

5. Kamonai tauna dainai ba ḡuriḡuri. Iehova ba noia lalohadai maorona baine henimu bona kamonai tauna iduruna daladia ba lalo. Danu, ba noia aonega baine henimu unu amo ba diba kamonai tauna be dounu ba vadivadia eiava lasi.—1 Kor. 9:26.