VIZIT
LESON 8
Pasians
Prinsip: “Lamour li pasian.”—1 Kor. 13:4.
Seki Zezi Ti Fer
1. Get VIDEO, ouswa lir Zan 7:3-5 ek 1 Korintien 15:3, 4, 7. Apre sa, reponn sa bann kestion-la:
Ki To Kapav Aprann ar Lexanp Zezi?
2. Nou bizin ena pasians parski sertin dimounn pran plis letan ki lezot pou aksepte bon nouvel.
Swiv Lexanp Zezi
3. Esey lezot metod. Si enn dimounn pa aksepte enn letid Labib deswit, pa fors li pou aksepte. Kan to kapav, servi bann video ouswa bann lartik ki montre kouma enn letid Labib deroule ek osi bann bienfe ki li pou gagne gras-a sa.
4. Pa konpar li ar lezot. Sak dimounn diferan. Si enn manb to fami ouswa enn vizit pe ezite pou aksepte enn lansegnman Labib ouswa pou koumans enn letid Labib, demann tomem kifer. Eski li bien kontan so relizion? Eski so bann fami ouswa so bann vwazin pe met presion lor li? Kitfwa li bizin letan pou reflesi lor seki to’nn dir ek pou apresie bann lansegnman ki ena dan Labib.
5. Pans dimounn-la dan to lapriyer. Demann Zeova pou ed twa pou res pozitif ek pou koz avek respe. Demann Li pou donn twa sazes pou to kone kan to bizin aret vizit enn kikenn ki pa vremem interese.—1 Kor. 9:26.
