МУТЛАНЫМАШЫМ ШУЙЫЗА
8 УРОК
Чытымашым ончыктыза
Принцип: «Йӧратымаш кужун чытыше» (1 Кор. 13:4).
Мом Иисус ыштен
1. ВИДЕОРОЛИКЫМ ончалза але Иоаннын 7:3—5 да 1 Коринфян-влаклан 15:3, 4, 7 лудын лекса. Вара нине йодыш-влак нерген шонкалыза:
Иисус деч мо́лан тунемына?
2. Мыланна чытымаш кӱлеш, вет поро увер айдемын шӱмышкыжӧ логалже манын, южгунам шуко жап кӱлеш.
Иисус деч примерым налза
3. Тӱрлӧ методым кучылтса. Айдеме Библийым шымлаш вигак огеш келше гын, тудым ида темде. Кертме семын тудлан умылаш полшыза, молан Библийым шымлаш кӱлеш да кузе шымлымаш эртаралтеш. Тидлан видеороликым але статьям кучылтса.
4. Ик айдемым весе дене ида таҥастаре. Кажне айдеме весе деч ойыртемалтеш. Служитлымыда годым вашлийме айдемын але тендан еш гыч иктаж-кӧн Библийым шымлаш кумылжо уке гын, але тудо иктаж-могай библийысе туныктымаш дене огеш келше гын, шоналтыза, молан тудын тыгай шонымашыже. Ала тудо иктаж-мо́лан весылан ӱшана да тидым чот кӱлешанлан шотла? А можыч, тудлан родо-шамычше але пошкудо-влакше чаракым ыштат? Шарныза: тендан каласымыда нерген шонкалаш да Библий гыч чыным умылаш айдемылан жап кӱлеш.
5. Полыш нерген кумалза. Сай нерген шонаш да айдемын шижмашыжым шотыш налашлан Иегова деч полышым йодса. Тыгак ужын моштымаш нерген кумалза. Иегова тыланда умылаш полша: айдемылан чыным пален налаш оҥай мо да умбакыжат тудын деке кошташ кӱлеш мо (1 Кор. 9:26).
