OKSEPA XITETLAJPALOTI
TLAMACHTIL 8
Xikmati timochias
Principio bíblico: “Akin tetlasojtla kimati mochias” (1 Cor. 13:4).
¿Tlen okichi Jesús?
1. Xikita VIDEO noso xiktlajtolti Juan 7:3-5 uan 1 Corintios 15:3, 4, 7. Satepan ximotlajtlani:
¿Tlen techmachtia tlen okichi Jesús?
2. Moneki tikmatiskej timochiaskej porque sekimej amo san niman kineltokaj tlen kijtoua iTlajtol toTajtsin Dios.
Xikchiua ijkon ken Jesús okichi
3. Amo xikchiua san se tlamantli. Amo nochipa xikiluijto mamomachti akin otiktlapoui tla amo kineki momachtis. Pero uelis tikinmititis videos noso tlamachtilmej para makita ken titlamachtiaj uan ken kipaleuis tla momachtis.
4. Xikilnamikto amo nochtin kichiuaj san se tlamantli. Tinochtin tlatlamantli timokuayejyekouaj. Ikinon ximotlajtlani tleka se mofamiliar noso akin otiktlapoui amo kineki momachtis. Xamo kineltoka itlaj tlen amo kineki kikauas. Xamo ifamiliares noso oksekimej amo kikauiliaj mamomachti. Xikkauili yolik mamokuayejyeko tlen otiktlapoui uan ijkon kipatioitas tlen tlamachtia Biblia.
5. Xikilui Jehová makipaleui akin otiktlapoui. Xikilui Jehová mamitspaleui kuali ximokuayejyeko uan amo xikualani. Noijki xikilui Jehová mamitspaleui xikita keman ayakmo tiktlajpaloti akin amo kineki momachtis (1 Cor. 9:26).
