HWIRIRIRO
CIJIJO 8
Kusengerera
Ndhungamiriro: “Rudo hunosengerera.” —1 Vak. 13:4.
Jesu Wakaitenyi?
1. Vonanyi VHIDHIYO, kana verenganyi Johani 7:3-5 no 1 Vakorinte 15:3, 4, 7. Perapo daviranyi muvhunjo jinotevera:
Tinojijenyi ngo Muezaniso wa Jesu?
2. Tinodikana kuva vandhu vanosengerera ngokuti vandhu vamweni vanotora mukuvo wakareba kuti vadakarire masoko akanaka kupinda zvinoithwa ngo vamweni.
Tevejeranyi Jesu
3. Ejanyi kunanga masokowo ngo njira imweni. Kudari mundhu akatama kutendera jijo yo Bhaibheri mucamuvangirija. Kudari mecikwanisa mukhombijenyi vhidhiyo kana musoro jinozomubesera kuti azwisise kuti zvicinyi zvinoithwa pa jijo yo Bhaibheri no kuvonesa manera aanozobesereka.
4. Mucaezanisa zvinoithwa ngo mundhu umwe no umweni. Vandhu vakasiyana. Kudari ari wese wo pa mbhuri kana mundhu umweni wamuri kuhwiririra akaramba kana akatendera kujija Bhaibheri, psakanyi kuziva kuti ngenyi. Kureva kuti pano zviro zvaanotenda zvaanovona kuti zvinosisira maningi kwaari? Iyena ari kuhwisana no kuvangirijwa ngo ukama hwake kana mavhizinyu? Mupekejenyi nguva kuti anase kurangarira zvamunonga mecijija naye no kuvona ega kuti zvinonangwa ngo Bhaibheri zvinosisira maningi.
5. Itanyi mukumbiro kuti Jehovha abesere mundhu wakhombija kudakarira. Kumbiranyi kuti Jehovha amubesere kuti muenderere mberi mecibhuya ngo njira yakanaka. Kumbiranyi Jehovha kuti amubesere kuvona kuti mundhu wamuri kubhuyaro naye aacaripizve kudakarira zvokuti munotodikana kuima kujija naye.—1 Vak. 9:26.
