Seo Jesu a se Dirilego

Seo re Ithutago Sona go Jesu

2. Ge re boledišana le batho ka Modimo, ga se ra swanela go ba felela pelo ka gobane ba bangwe ba amogela ditaba tše dibotse ka morago ga nako e telele.

 Ekiša Jesu

3. Leka go diriša mekgwa ya go se swane ge o thoma poledišano. Ge e ba motho a sa dumele go ithuta Beibele di sa tloga fase, o se ke wa mo gapeletša. Ge go kgonega, diriša dibidio goba dihlogo tše itšego go mo thuša go kwešiša seo se diregago thutong ya Beibele le go bona kamoo a ka holegago ka gona.

4. O se ke wa bapiša batho. Batho ga ba swane. Ge e ba yo mongwe ka lapeng goba motho yo o felago o boela go yena a dikadika go ithuta Beibele goba go amogela seo Beibele e se rutago, ipotšiše gore a ka ba a šitišwa ke eng. Ka mohlala o ka ipotšiša gore, na go na le bodumedi bjo a bo ratago kudu? Na ba leloko goba baagišane ba mo thibela go ithuta Beibele? Mo fe nako ya go naganišiša ka seo le boledišanego ka sona le go bona gore seo Beibele e se bolelago se ka mo hola.

5. Rapela Jehofa gomme o mmotše ka motho yo a thabelago. Mo kgopele gore a go fe bohlale le go go thuša gore o se ke wa felela motho yoo pelo. Le gona o ka mo kgopela gore a go thuše go tseba gore ke neng moo o ka kgaotšago go ithuta Beibele le motho yo a itirago eka o a thabela.—1 Bakor. 9:26.