ISI MUBAGHILE UKUBOMBA
IKIMANYILO 8
Muyeghe Bololo
Ilemba: “Ulughano lololo.”—1 Kor. 13:4.
Isi Yesu Abombile
1. Ketelela IVIDIYO, pamo belenga Yohani 7:3-5 kangi 1 Bakorinti 15:3, 4, 7. Ukufuma apo mwinong’onelepo amalalusyo aghakukongapo agha:
Ngimba Tukumanyilako Isyafiki kwa Yesu?
2.Tukulondiwa ukuya bololo panongwa yakuti abandu bamo bikwegha akabalilo katali ukuti bapilikisye amasyu agha tukubafumukisya.
Tunkongeghe Yesu
3.Ghela ukubombela injila iyingi. Linga umundu ikukana ukumanyila Ibaibolo mungamfimbilisyagha. Linga kwakulondiwa bombela amavidiyo aghakulingania isi sikubombiwa pakumanyila Ibaibolo kangi muno sikuya pakuntulila.
4.Mungabafwanikisyagha abandu. Abandu bakindene. Linga umundu yumo mumbumba pamo uyu mwalimfumukisye ikukabila ukwitikisya ukwanda ukumanyila Ibaibolo, mwinong’oneleghe inongwa iyi ikubombela isi. Ngimba filipo ifindu fimo ifi ikusubila ku tchalichi lyake? Ngimba aba mumbumba pamo abapalamani bake bikunsusya? Mukulondiwa ukumpa akabalilo akakuti inong’onelepo nukuketa ukulondiwa kwa isi Ibaibolo likumanyisya.
5.Mumwiputileghe umundu uyu ikulonda ukumanya nyingi. Munsumeghe Yehova ukuti abatule ukuya na minong’ono amanunu agha muno mubaghile ukuntulila umundu. Munsumeghe kangi ukuti abatule ukumanya akabalilo akakuleka ukumanyila Ibaibolo numundu uyu atikulonda.—1 Kor. 9:26.
