SIA KƆKPƆLA
ƐZUKOALƐDEƐ 8
Abotane
Ngyinlazo: “Ɛlɔlɛ lɛ abotane.”—1 Kɔl. 13:4.
Mɔɔ Gyisɛse Yɛle La
1. Nea VIDIO ne, anzɛɛ kenga Dwɔn 7:3-5 nee 1 Kɔlentema 15:3, 4, 7. Akee suzu kpuya ɛhye mɔ anwo:
Duzu A Yɛsukoa Yɛfi Gyisɛse Ɛkɛ A?
2. Ɔwɔ kɛ yɛnyia abotane ɔluakɛ ɔkyɛ na menli bie mɔ alie edwɛkpa ne ado nu.
Sukoa Gyisɛse
3. Kakyi adenle mɔɔ ɛdua zo ɛyɛ ye la. Saa ahenle anlie ando nu ɛkɛ ne ala kɛ ɔbazukoa Baebolo ne a, mmafa ɛtinlitinli ye. Mekɛ mɔɔ fɛta la anu, fa vidio anzɛɛ edwɛkɛ ngakyile boa ye maa ɔnwu kɛzi bɛyɛ Baebolo ɛzukoalɛ nee kɛzi ɔbaboa ye la.
4. Mmafa ye ɛtoto awie anwo. Asolo awie ko biala. Saa wɔ busuanli bie anzɛɛ awie mɔɔ ɛbahɔkpɔla ye la ɛngulo kɛ ɔsukoa Baebolo ne anzɛɛ ɔdie mɔɔ Baebolo ne kilehile la ɔto nu a, suzu deɛmɔti ɔlɛyɛ zɔ la anwo. Asoo ye asɔne ne anu diedi bie hyia ye somaa ɔ? Asoo ye mbusuafoɔ anzɛɛ ɔ gɔnwo mɔ gyegye ye ɔ? Maa ɔnyia mekɛ ɔdwenle mɔɔ wɔha la anwo na ɔnwu nvasoɛ mɔɔ wɔ Baebolo ne anu edwɛkɛ ne azo la.
5. Yɛ asɔne maa ye. Sɛlɛ Gyihova kɛ ɔboa wɔ ɔmaa ɛnyia ahenle anwo adwenle kpalɛ na ɛ nee ye ɛdendɛ ɛbulɛ nu. Sɛlɛ Gyihova kɛ ɔboa wɔ ɔmaa ɛnwu mekɛ mɔɔ ɔwɔ kɛ ɛgyakyi kɛ ɛbahɔ awie mɔɔ anye ɛnlie edwɛkɛ ne anwo ɛkɛ ne la.—1 Kɔl. 9:26.
