АДӔЙМАГИ НӔУӔГӔЙ КУ БАБӔРӔГ КӔНАЙ
8 УРОК
Фӕразон уо
Уагӕвӕрд: «Уарзондзийнадӕ берӕ фӕразуй» (1 Кор. 13:4).
Киристе куд архайдта?
1. Бакӕсӕ ВИДЕОРОЛИКМӔ кенӕ бакӕсӕ Иоанни 7:3–5 ӕма 1 Коринфӕгтӕмӕ 15:3, 4, 7. Уой фӕсте расагъӕс кӕнӕ дӕлдӕр финст фарстатӕбӕл:
Киристейӕй цӕбӕл ахур кӕнис?
2. Дӕ гъудий дарӕ, еуӕй-еу адӕни фулдӕр рӕстӕг ке фӕгъгъӕуй, цӕмӕй хуарз хабар сӕ зӕрдӕмӕ райсонцӕ. Уомӕ гӕсгӕ гъӕуама уӕн фӕразон.
Киристей хузӕн архайӕ
3. Аллихузи мадзӕлттӕй пайда кӕнӕ. Адӕймаг фиццаг ку не ’сарази уа Библи ахур кӕнунбӕл, уӕд бал ӕй уадзӕ. Уавӕр ку амона, уӕд пайда кӕнӕ видеороликтӕй кенӕ статьятӕй, цӕмӕй ин бавдесай, Библий ахур куд фӕццӕуй, уой, удта ин е ци пайда ӕрхӕсдзӕй, уой дӕр.
4. Еуети иннети хӕццӕ ма барӕ. Адӕн ӕгасӕйдӕр фӕйнӕхузи ’нцӕ. Кӕд адӕймаг Библи ахур кӕнунбӕл кенӕ цӕхуӕндӕр ахурадӕбӕл нӕ арази кӕнуй, уӕд расагъӕс кӕнӕ, уотӕ цӕмӕн ӕй, уобӕл. Ка ’й зонуй, ӕ дини ӕгъдӕуттӕй кӕцидӕртӕ ӕ зӕрдӕн хъӕбӕр хъазар ӕнцӕ. Кенӕ ба ӕ хеуӕнттӕ ӕма ӕ синхӕнттӕ ӕ нихмӕ цӕунцӕ. Рӕстӕг ин раттӕ, цӕмӕй ин Библийӕй ци гъудитӕ радзурдтай, уонӕбӕл расагъӕс кӕна ӕма син цӕхуӕн устур аргъ ес, уой балӕдӕра.
5. Фулдӕр базонун ке фӕндуй, уой туххӕй ковӕ. Йеговӕй корӕ, цӕмӕй дӕ цийнӕ ма исӕфа, удта уай уӕздан ӕма кӕми ци дзоргӕй, уой зонай. Удта ма корӕ, цӕмӕй лӕдӕргӕ уай ӕма, рӕстдзийнадӕ базонун ке нӕ фӕндуй, уобӕл рӕстӕг ма исафай (1 Кор. 9:26).
