REBISHITA
LÈS 8
Tene Pasenshi
Prinsipio di Beibel: “Amor tin pasenshi.”—1 Kor. 13:4.
Loke Hesus A Hasi
1. Wak e VIDIO òf lesa Huan 7:3-5 i 1 Korintionan 15:3, 4, 7. Despues, analisá e siguiente preguntanan:
Kiko Nos Por Siña for di Hesus?
2. Nos mester tin pasenshi pasobra no ta tur hende ta reakshoná mes lihé ora nan tende e bon notisianan ku nos ta prediká na nan.
Imitá Hesus
3. Purba di usa otro método. Si un persona no ke studia Beibel mesora, no fòrs’é. Ora ta posibel, usa vidio òf artíkulo pa yuda un persona mira kon un estudio di Beibel ta bai i kon un estudio di Beibel por yud’é.
4. No kompará hende ku otro. Kada hende ta diferente. Si un miembro di famia òf un rebishita no ke studia Beibel mesora òf no ke aseptá sierto siñansa bíbliko, purba di saka afó kiko por ta e motibunan. Tin sierto kreensia religioso ku ta masha importante p’e? Famia òf bisiña ta strob’é? Dun’é tempu pa e pensa riba loke bo a papia kuné i pa e por mira kon Beibel ta benefisiá hende.
5. Hasi orashon: Papia ku Yehova tokante e personanan ku mustra interes. Pidi Yehova yuda bo keda positivo i yuda bo sigui usa takto. Pidi Yehova yuda bo mira na ki momento ta bon pa stòp di bishitá un persona ku no ta mustra masha interes.—1 Kor. 9:26.
