GUVUTUGILA ATHU
LONGO 8
Khala nu Guhuiminyina
Longo dia Biblia: “Guzumba guakhala nu guhuiminyina.”—1 Kol. 13:4.
Itshi Yesu Watshitshile?
1. Tala VIDEO, nga ndo tanga Yone 7:3-5 nu 1 Kolinto 15:3, 4, 7. Gungima hana mvutu gu mihu eyi:
Longo Ditshi Tuazula mu Gifezegeselo gia Yesu?
2. Tudi naye gukhala nu khadilo dia guhuiminyina handaga athu ako ana zula tangua diavula ha gutshigina lukuma luabonga uvi ako ndo.
Landula Gifezegeselo gia Yesu
3. Kalegela ba metode a gudisha. Gula muthu gatshiginyile ndo gulonguga Biblia, umushinjigago. Gula luholo ludi guene, mutalese video nga ndo mutangese malongo anyi ajiya gumukuatesa ha gukotelesa luholo gulonguga gua Biblia guana kalegewa, nu gubonga guajiya guheta muene.
4. Ukhadigo mufuanesa muthu muene nu athu ako. Athu agasue ana khalago luholo lumoshi. Gula muenya fami mumoshi nga muthu wana vutugila watuna gulonguga Biblia, nga ndo gashigo mutshigina malongo a Biblia, kamba gujiya gishina gidi mutunyila muene. Gudi nu ndaga imoshi ya gikombelelo giawo yana tshigina muene muavula ba? Enya fami yenji nga athu ana khala n’enji hehi adi gumutunyisa ba? Mubembele tangua ha gutangiza ndaga wamuwambela nu ha gumona ndando ya ndaga jiana zuela Biblia.
5. Kombelela mukunda nu athu asuanguluga nu giamatshidia. Toga Yehowa agukuatese hagula ulebigo muila nu hagula umonese gutema. Toga nji Yehowa aguhane ndunge ha gujiya tangua wajiya gubemba gulonguga nu muthu munu gashigo musuanguluga nu giamatshidia.—1 Kol. 9:26.
