یسوع دی مثال

اَسی یسوع دی مثال توں کیہہ سکھنے آں؟‏

2.‏ سانوں صبر نال کم لینا چاہی دا اے کیونکہ کجھ لوکاں نُوں سچائی قبول کرن چ وقت لگدا اے۔‏

 یسوع دی مثال تے عمل کرو

3.‏ گواہی دین دے فرق طریقے اَزماؤ‏۔ جے کوئی بندہ فوراً بائبل کورس کرن دی دعوت قبول نئیں کردا تے اوہنوں مجبور نہ کرو۔ جدوں مناسب ہووے تے اوہنوں کوئی ویڈیو یاں مضمون وکھاؤ تاکہ اوہ ویکھ سکے کہ اَسی بائبل کورس کیویں کرانے آں تے ایہدے توں اوہنوں کیہہ فائدہ ہوئے گا۔‏

4.‏ مقابلہ نہ کرو۔‏ ہر بندہ دُوجے بندے توں فرق ہوندا اے۔ جے ساڈے گھر دا کوئی جی یاں اوہ بندہ جدے نال اَسی واپسی ملاقات کر رہے آں؛ بائبل کورس کرن چ یاں بائبل دی کسے سچائی نُوں قبول کرن چ جھجک محسوس کردا اے تے سوچو کہ اوہ اِنج کیوں محسوس کردا اے۔ کیہہ اوہنوں کسے مذہبی عقیدے نُوں چھڈنا مشکل تے نئیں لگدا؟ کیہہ اوہنوں اپنے رشتے‌داراں یاں گوانڈھیاں وَلّوں دباؤ دا سامنا تے نئیں اے؟ اوہنوں وقت دَوو کہ اوہ تواڈی گل بارے سوچ سکے تے بائبل دی اوس سچائی دی اہمیت نُوں سمجھ سکے جیہڑی اوہنے سکھی اے۔‏

5.‏ دلچسپی لین والیاں لئی دُعا کرو۔‏ یہوواہ کولوں دُعا کرو کہ اوہ صحی سوچ اپنان تے سمجھ‌داری نال گل کرن چ تواڈی مدد کرے۔ اوہدے کولوں مدد منگو تاکہ تُسی فیصلہ کر سکو کہ جیہڑے لوک دلچسپی نئیں وکھاندے، تُسی اوہناں نُوں کدوں ملنا بند کرو گے۔—‏1-‏کُرنتھیوں 9:‏26‏۔‏