JOOYXEDAYYAAJƗ
AN̈KEJAYOʼOYI 8
Odoy teguedɨʼɨyɨ
Jɨɨxian̈chioʼoyi: «Jém tóyoypáppɨc iyaachɨ́ypa» (1 Cor. 13:4).
Jempɨk Jesús iwat
1. Aʼmɨ jeʼm VIDEO o maayɨʼ Juan 7:3-5 y 1 Corintios 15:3, 4, 7. Okmɨ kɨʼpin̈ɨ yɨʼpyaj akwagoʼoyiyaj:
¿Tyi tan̈kejaytyaʼmpa jempɨk Jesús iwat?
2. Weeñiyaj maaj tan̈kaʼ ikupɨkyaj jeʼm wɨtampɨk an̈matyiyaj, jeʼyukmɨ odoy tanteguedɨyyajiñ.
Watkiʼpsɨ Jesús
3. Kuaʼmɨ juutypɨk wɨap iñyooxpaʼt. Siiga dyaʼ ikuyujkatoʼoba jeʼm Biblia, odoy teguedɨʼɨyɨ. Siiga wɨap agaʼmɨ videos o kɨʼpin̈taʼamɨ juutypɨk takkuyujoytyaʼmpa y juutypɨk iyooxpaʼtpa siiga mojpa ikuyujkaʼ.
4. Odoy kukiʼpsyaajɨ. Tantumpɨytyam takukaknetaʼm. Siiga tuum iñfamiliar o jempɨk inimuruneʼ dyaʼ ikuyujkatoʼoba o dyaʼ ipɨktson̈toʼoba tuum an̈kejayoʼoyi, nakwaʼktaajɨ tyiʼiga. ¿Wɨapsɨ iga dyaʼ ichaktoʼoba jempɨk jeʼ ikupɨkpa? ¿Wɨapsɨ iga algun i sɨʼ imalan̈kobagɨy? Aʼmchiɨʼ iga iwɨjɨɨxiñ jempɨk inin̈madayñeʼ y ichoowaixiñ jempɨk in̈kejpa jeʼm Biblia.
5. An̈madaʼayɨ Jehová. Waʼgaʼayɨ iga miyooxpaʼdyiñ inikwiñkej tuum wɨbɨk jɨɨxi y in̈wɨjɨʼyayyajiñ. Waʼgaʼayɨtyim iga miyooxpaʼdyiñ in̈kutɨʼɨyɨy juchix odom iñjooyaʼyiñ jempɨk dyaʼ ikumaton̈toʼoba (1 Cor. 9:26).
