Jesusga caidami rrurrarca

¿Jesusbu ejemplomundaga imadadi yachanchi?

2. Huaquingunaga Diosmunda yachangabu ashtaun tiempodami ministin, chaimunda pacientesmi gana ganchi.

 Jesusbu ejemploda cati

3. Diferente cosasgunada rrurrai. Callaribi huasiyuj na estudiasha nijpiga, na obliganallu ganchi. Pero, interesda rricuchijpiga, publicaciongunada y Bibliamunda estudiangabu nishca videogunada rricuchishmi ayudai pudinchi.

4. Piunbish ama comparaillu. Cada personami diferente gan. Shuj familia o shuj vecino Bibliamunda na yachasha nijpi o Bibliabu shuj yuyaida na chasquisha nijpiga, imamunda na yachasha nishcada yachangabuga cai tapuigunabi yuyai. ¿Tal vez paibu costumbregunamundallu Bibliabu yachachishcagunada na chasquisha ninga? O ¿Paibu familiagunada o vecinogunada manchashcallamundallu na yachasha nin? Can nishcabi o Biblia yachachishcabi yuyallun tiempoda cui, shinami Dios yachachishcada valoranga.

5. Chai personamunda Diosda mañai. Shinalladi ñaupujmun catillun y alli tratallun Jehová Diosda mañai. Ashtaun Bibliamunda yachana ashalla interesda charij personada ima hora ña na visitana gashcada yachangabuga Jehová Dios ayudallun mañai (1 Cor. 9:26).