TE KERA POVTORNA POSETE
Jovan 7:3-5; 1. Korinkjanja 15:3, 4, 7
LEKCIJA 8
Ov strplivo
Načelo: „O mangipe tano strplivo“ (1. Kor. 13:4)
So kergja o Isus?
1. Dikh o VIDEOKLIPI ili čitin Jovan 7:3-5 hem 1. Korinkjanja 15:3, 4, 7. Palo adava razmislin bašo akala pučiba:
So sikljovaja taro Isus?
2. Valjani te ova strpliva adaleske so nesave manušenge valjani poviše vreme te šaj te prifatinen o šukar haberi.
Dža palo e Isuseskoro primer
3. Koristin različna načinija. Ako o manuš na mangela odma te prifatinel biblisko kursi ma ker leske pritisok. Keda ka ovel prilika, koristin videoklipija ili statie te šaj te pomožine le te doznajnel sar izgledinela jekh biblisko kursi hem soske ka ovel leske korisno ako proučinela i Biblija.
4. Ma sporedinen le e javerencar. Sekova manuš tano različno. Ako nekoj tari tli familija ili nesavo interesenti tano ko duj gogja dali te proučinel i Biblija ili te prifatinel nesavo biblisko sikljojbe, razmislin soske tano agjaar. Dali nesavo veruvanje tari leskiri religija tano leske but važno? Dali isi le pritisok tari familija ili taro komšie? Mukh te nakhel vreme te šaj te razmislinel bašo sa adava so vakergjan hem te dikhel kobor tano važno adava so pišinela ki Biblija.
5. Molin tut e interesenteske. Molin e Jehova te pomožinel tut te ačhove pozitivno hem taktično. Osven adava, molin tut te šaj te haljove keda tano vreme te čhinave te posetine nekas so nane čače zainteresirimo (1. Kor. 9:26).
DIKH HEM:
Mar. 4:26-28; 1. Kor. 3:5-9; 2. Pet. 3:9
