Со кергяс о Исусес

Со сикльовас таро Исусес?

2. Требе те овас търпелива, соскето десаве манушенге требел по-бут време, за те приеминен и лачши новина.

 Ов сар о Исусес

3. Дикх дали ащи те керес нещо авер. Ако о мануш на мангел веднага те изучинел и Библия, ма де лес зори. Кана ащи, сикав леске клиповя или статиес, за те помагинес леске те ахальовел сар изучинас и Библия е манушенца тай соске ка овел лескере лачшипнаске те изучинел и Библия.

4. Ма мислине, кай саворе мануша требе те овен йекх тай съща. Секо йекх мануш си различно. Ако декхой тере семействостар или декхой таро мануша, коленге проповединес, на мангел те изучинел и Библия или те приеминел десаве таро букя, колато сикавел ой, помислине саво си о проблеми. Дали сиклило десаве букя пере кхангерятар, колато си леске бут важна? Дали лескере енданя или лескере комшидес пречинен леске? Мук лес те мислинел е букиенге, колато пхенгян леске тай те ахальовел кизом ащи те помагинел леске и Библия.

5. Молине тут е манушеске, ковато мангел те жанел со пхенел и Библия. Молине е Йеховас те помагинел туке те мислинес шукар букя е манушеске тай те на дукхавес лес. Молине лес също те помагинел туке те ахальовес, кана те спиринес те жас паш манушесте, ковато на мангел те жанел бут со пхенел и Библия. (1 Кор. 9:26)