JIA PARPALE CA LE MANUȘA
SICAIMOS 8
Sicav răbdarea
So phenel i Biblia: „I iubirea jianel te ajucărel”. (1 Cor. 13:4)
So cărdea o Isus
1. Dich o MATERIALO VIDEO sau citisar Ioan 7:3-5 hai 1 Corinteni 15:3, 4, 7. Pala codoia șiu tuche le pușimata cai aven:
So sichioas catar o Isus?
2. Trebul te avas răbdători, anda codoia că si manușa savenghe trebul mai but timpo caște arăsăn te camen te așunen i vestea lași.
Cher so cărdea o Isus
3. Paruv o modo sar des duma caring o manuș. Dacă o manuș ci camel te astarel iech studio biblico pe thaneste, na ași pe lesco șăro. Cana fal-tu mișto, folosisar materialea video hai articolea cai ajutin-les te hachiarel sar încărel-pe iech studio biblico hai so miștimata daștilas te anel lesche.
4. Na cher comparații. Fiesavo manuș silo diferime. Dacă iech jeno andai familia sau iech manuș ca savo phires încărel-pe parpale te astarel iech studio sau te hachiarel iech ciacimos biblico, gândisar-tu sostar cherel cadaia. Încărel zurales ca iech sicaimos neciacio? Le neamuri sau le vecini șion pharimata pe leste? Mech-les te gândil-pe iech timpo ca so phendean lesche hai te dichel so cuci si le sicaimata andai Biblia.
5. Mang-tu le Devlesche anda o manuș. Mang le Iehovas te ajutil-tu te na hasares chi speranța ando manuș hai te sicaves lesche mai dur pachiv. Mang le Iehovas te del-tu goghiaverimos te jianes cana te na mai jias ca iech manuș cai ci camel te prinjianel o ciacimos. (1 Cor. 9:26)
