Yesuusi Assinore

Yesuusi Assinorinni Maa Ronseemmo?

2. Mitu manni dancha duduwo macciishshe adhate wolu manninni sae keeshshara dandaanno. Hakko daafira cinca hasiissannonke.

 Yesuusi Faale Hadhe

3. Wolu garinni hasaawissine laˈe. Mittu manchi Qullaawa Maxaafa xiinxallate bayichonko sumuu yaa hoogiro, xiinxallilla yitine okkitinoonte. Gura qiniite laˈine, Qullaawa Maxaafa xiinxallinseemmo garanna togoo xiinxallo kaaˈlitannosi gara huwatanno gede kaaˈlate viidiyubbanna borronke horoonsidhe.

4. Heewisiissinoonte. Mannu baalu mitto diˈˈikkino. Miniˈne manni giddo woy hasaawissinoonni manni giddo mittu Qullaawa Maxaafa xiinxallate maahoyye yaa hoogiro, woy mitto Qullaawu Maxaafi roso ammana qarra ikkitusiro, kuni ikkinohu mayiraatiro hedde. Ammaˈnonsa rosi giddo isi lubbora baxannohu nookka? Fiixisi woy qachisi manni waadanni noosikka? Yitinoonnire hedatenna Qullaawu Maxaafi yaannore wodanchate yanna hasiissannosiha ikkara dandaanno. Hakka geeshsha cincitine agarresi.

5. Hasatto noosi manchi daafira huuccatto asse. Dancha danchare heddinanni gedenna hayyotenni coyidhinanni gede kaaˈlaˈnera Yihowa huuccidhe. Hakkeyi geya hasatto noonsakki manna hasaawisa agurate maltino yanna baddine affinanni gede wodancha aannoˈne gede huuccidhe.—1 Qor. 9:26.