Mea na Faia e Iesu

O le ā e Tatou te Aʻoaʻoina Mai iā Iesu?

2. E manaʻomia ona tatou onosaʻi, ona o nisi tagata e umi se taimi faatoʻā tali lelei mai i le tala lelei.

 Faaaʻoaʻo iā Iesu

3. Taumafai se isi auala. Aua le faamalosia le tagata pe afai e lē o manaʻo e fai sana suʻesuʻega faale-Tusi Paia. Pe a talafeagai, ia faaaogā vitiō po o mataupu e fesoasoani iā te ia e malamalama ai i mea e fai i se suʻesuʻega faale-Tusi Paia, ma aogā e maua mai ai.

4. Aua le faatusatusaina tagata. E eseese uma tagata. Pe a faatalatū se sui o le aiga po o se toe asiga e suʻesuʻe le Tusi Paia pe talia se aʻoaʻoga a le Tusi Paia, ia mafaufau pe aiseā ua manatu ai faapena. Pe e iai se talitonuga faalotu e pele iā te ia? Po o ia fesagaʻia ni omiga mai i ona tauaiga po o tuaoi? Ia tuu i ai se avanoa e mafaufau ai i mea na lua talanoaina ma iloa ai le tāua o manatu o le Tusi Paia.

5. Ia tatalo e faatatau i le tagata fiafia. Talosaga iā Ieova e fesoasoani iā te oe ina ia iai pea se vaaiga saʻo, ma ia faautauta. Ia tatalo foʻi ina ia e iloa le taimi ua tatau ai ona lē toe asia se tasi e lē o fiafia moni.—1 Kori. 9:26.