TYARI GOBAKA
LES 8
Abi pasensi
Bijbel e taki: „Lobi abi pasensi.”—1 Kor. 13:4.
San Yesus du
1. Luku a FELEM, noso leisi Yohanes 7:3-5 nanga 1 Korentesma 15:3, 4, 7. Baka dati luku den aksi disi:
San wi kan leri fu Yesus?
2. Wi musu abi pasensi fu di son sma e teki langa fosi den arki a bun nyunsu.
Du leki Yesus
3. Suku wan tra fasi fu tyari a boskopu. Efu a sma no wani studeri Bijbel wantewante, dan yu no musu dwengi en. Te a fiti, dan gebroiki felem noso artikel fu meki a ferstan fa wi e hori wan Bijbelstudie èn sortu wini a o kisi.
4. No teki sma gersi nanga trawan. Ala sma de tra fasi. Efu wan famiriman noso wan gobaka e draidrai fu studeri Bijbel noso fu bribi wan Bijbel leri, dan prakseri san kan de a reide fu dati. A de so taki a lobi wan spesrutu kerkileri? Noso a de so taki famiri noso birtisma e gens en? Gi en nofo ten fu go denki san yu taigi en èn fu si taki den sani di Bijbel e taki bun gi en.
5. Begi Yehovah. Aksi Yehovah fu yepi yu fu tan denki bun fu a sma, èn fu man taki den yoisti sani fu yepi en. Aksi Yehovah fu yepi yu fu kon sabi efu wan sma no wani moro èn efu yu musu tapu fu go na a sma.—1 Kor. 9:26.
