KGUTLELA HO BATHO
THUTO YA 8
Eba le Mamello
Keletso ya Bibele: “Motho ya lerato o na le mamello.”—1 Bakor. 13:4.
Jesu o Ile a Etsang?
1. Shebella VIDEO kapa o bale Johanne 7:3-5 le 1 Bakorinthe 15:3, 4, 7 ebe o araba dipotso tse latelang:
Re ka Ithutang Mohlaleng wa Jesu?
2. Re lokela ho ba le mamello hobane batho ba bang ba nka nako e telele ho amohela ditaba tse monate tsa Mmuso wa Modimo.
O ka Etsisa Jesu Jwang?
3. Leka mokgwa o fapaneng. Haeba motho a sa amohele thuto ya Bibele hanghang, o se ke wa mo qobella. Haeba ho kgoneha, mo bontshe video kapa sehlooho se tla mo thusa ho utlwisisa hore na ho etsahalang thutong ya Bibele le hore na e ka mo tswela molemo jwang.
4. O se ke wa bapisa batho. Batho ha ba tshwane. Haeba setho sa lelapa kapa motho eo o ntseng o mo etela a tshaba ho amohela thuto ya Bibele, leka ho utlwisisa hore na ebe ke hobaneng. Na ho na le bodumedi boo a bo nkang e le ba bohlokwa? Na ba lelapa labo kapa baahisani ba a mo hanyetsa? Mo fe nako ya ho nahanisisa ka seo a ithutileng sona Bibeleng le ho bona ka moo se ka mo tswelang molemo ka teng bophelong.
5. Rapella motho ya bontshitseng thahasello. Kopa Jehova hore a o thuse mme o se ke wa lahla tshepo. Mo kope hore a o thuse ho bona ha motho a sa thahaselle e le hore o ka emisa ho mo etela.—1 Bakor. 9:26.
